Nahid Rana 6 Wickets Record BAN vs ZIM 1st ODI 2026 Mashrafe Mortaza : बांगलादेश क्रिकेट संघ सध्या झिम्बाब्वेच्या दौऱ्यावर असून उभय संघांत ३ एकदिवसीय (ODI) सामन्यांची मालिका खेळवली जात आहे. या मालिकेतील पहिल्याच सामन्यात बांगलादेशच्या गोलंदाजांनी यजमान झिम्बाब्वेच्या फलंदाजीचे अक्षरशः कंबरडे तोडले. बांगलादेशचा युवा वेगवान गोलंदाज नाहिद राणा (Nahid Rana) याने आपल्या अचूक आणि घातक गोलंदाजीने मैदानात कहर केला. त्याने एकट्यानेच झिम्बाब्वेच्या ६ फलंदाजांना तंबूचा रस्ता दाखवत आंतरराष्ट्रीय क्रिकेटमध्ये एक नवा सुवर्ण इतिहास रचला आहे.

झिम्बाब्वे १४१ धावांवर ढेर; २० वर्षांचा जुना विक्रम उद्ध्वस्त –

सामन्यात बांगलादेशने टॉस जिंकून प्रथम गोलंदाजी करण्याचा निर्णय घेतला, जो नाहिद राणाने सार्थ ठरवला. बांगलादेशच्या भेदक आक्रमणासमोर झिम्बाब्वेचा संघ ५० षटकेही खेळू शकला नाही आणि अवघ्या ३६.४ षटकांत १४१ धावांवर गारद झाला. नाहिद राणाने आपल्या १० षटकांच्या कोट्यात २ मेडन ओव्हर्स टाकत अवघ्या २१ धावा देऊन ६ विकेट्स घेतले. यासह त्याने बांगलादेशसाठी एकदिवसीय क्रिकेटच्या इतिहासातील सर्वोत्तम गोलंदाजी (Best Bowling Figures) करण्याचा विक्रम केला. त्याने दिग्गज मशरफे मुर्तजाचा २० वर्षांपूर्वीचा रेकॉर्ड मोडला, ज्याने २००६ मध्ये केनियाविरुद्ध २६ धावांत ६ विकेट्स घेतल्या होत्या.

Nahid Rana could be the future star Bangladesh has long deserved!

6/21 in the 1st ODI against Zimbabwe! #ZIMvsBAN

pic.twitter.com/X3ESsRzfLJ

— OneCricket (@OneCricketApp) July 6, 2026

बांगलादेशी गोलंदाजांची सर्वोत्तम एकदिवसीय कामगिरी:

• नाहिद राणा – ६/२१ विरुद्ध झिम्बाब्वे (२०२६)
• मशरफे मुर्तजा – ६/२६ विरुद्ध केनिया (२००६)
• रुबेल हुसैन – ६/२६ विरुद्ध न्यूझीलंड (२०१३)

हेही वाचा – Novak Djokovic Record : ऑल इंग्लंड क्लबवर नोव्हाक जोकोविचने रचला इतिहास! रॉजर फेडररचा विम्बल्डनमधील ‘तो’ विराट रेकॉर्ड मोडला

फिडेल एडवर्ड्सला मागे टाकत नाहिदची ‘स्पेशल क्लब’मध्ये एन्ट्री –

Nahid Rana is making a habit of rewriting records! ⚡🇧🇩

The Bangladesh speedster becomes the second-fastest bowler to claim three ODI five-wicket hauls, achieving the feat in just 15 matches. A sensational start to his ODI career! 👏#NahidRana #BangladeshCricket #ODI… pic.twitter.com/OLbWfrVrT0

— Sportskeeda (@Sportskeeda) July 6, 2026

या कामगिरीसह नाहिद राणा झिम्बाब्वेच्या भूमीवर झिम्बाब्वेविरुद्ध सर्वोत्तम गोलंदाजी करणारा जगातील पहिला परदेशी वेगवान गोलंदाज ठरला आहे. यापूर्वी हा विक्रम वेस्ट इंडिजच्या फिडेल एडवर्ड्सच्या (६/२२, वर्ष २००३) नावावर होता. झिम्बाब्वेविरुद्ध एकंदरीत वनडे क्रिकेटमध्ये नाहिदची ही तिसरी सर्वोत्तम कामगिरी आहे. या यादीत श्रीलंकेचा महान चमिंडा वास (८/१९, वर्ष २००१) पहिल्या स्थानावर आहे, तर २०२५ मध्ये श्रीलंकेच्याच वानिंदू हसरंगाने १९ धावांत ७ विकेट्स घेतल्या होत्या. नाहिदच्या या ऐतिहासिक कामगिरीमुळे बांगलादेशने सामन्यावर पूर्ण पकड मजबूत केली.