PM Narendra Modi Baramati : पंतप्रधान नरेंद्र मोदी बारामती दौऱ्यावर येणार आहेत. राष्ट्रवादी काँग्रेस पक्षाचे ज्येष्ठ नेते शरद पवार यांनी बारामती दौऱ्यात कार्यकर्त्यांशी संवाद साधताना याबाबत माहिती दिली. तसेच मोदी नेमके कोणत्या कारणासाठी आणि कधी बारामतीत येणार हे शरद पवार यांनी सांगितले आहे.

शरद पवार यांच्या नेतृत्वाखालील बारामतीमधील विद्या प्रतिष्ठान येथील नक्षत्र बागेमध्ये गौतम बुद्धांच्या 9 फूट उंच पुतळ्याचे अनावरण 16 ऑक्टोबरला केलं जाणार आहे. याचसंदर्भात बोलताना, “विद्या प्रतिष्ठानमध्ये आम्ही वास्तू बांधली आहे. तिथं गौतम बुद्धांचा पुतळा उभारण्यात आला असून, इतर महापुरुषांचे फोटोही येथे लावायचे आहेत.

यामध्ये शाहू महाराज, अहिल्याबाई होळकर, सयाजीराव गायकवाड, सावित्रीबाई फुले, अण्णाभाऊ साठे, यशवंतराव चव्हाण, शारदबाई पवार यांच्या फोटोंचा समावेश आहे. याचे अनावरण मोदींच्या हस्ते होणार आहे. विशेष म्हणजे वास्तूला ‘प्रेरणा स्थान’ नाव दिले आहे,” असेही शरद पवार यांनी सांगितले आहे.

पुढे बोलताना शरद पवारांनी सांगितले की, “16 ऑक्टोबरला विद्या प्रतिष्ठानचा स्थापना दिवस आहे. त्या दिवशी या वास्तूचं उद्घाटन करायचे आहे. माझी खात्री आहे की हे लोक बघायला येतील. महापुरुषांचे कर्तृत्व आणि योगदान आहे त्यांची माहिती इथे मिळेल. या वास्तूचं उद्घाटन 16 ऑक्टोबरला नरेंद्र मोदी यांच्या उपस्थितीत होईल.” PM Narendra Modi Baramati

पवार-मोदींमधील वाढती जवळीक

मागील काही दिवसांपासून शरद पवारांची राष्ट्रवादी एनडीएमध्ये सहभागी होण्याचीही जोरदार चर्चा होत आहे. एकीकडे कॉकरोच जनता पार्टीचं आंदोलन सुरु असताना त्याच काळात जुलै महिन्यात शरद पवारांनी पंतप्रधान मोदींची भेट घेतली होती.

त्यानंतर शरद पवारांचे सर्व खासदार सुप्रिया सुळेंच्या नेतृत्वाखाली पंतप्रधान मोदींना दिल्लीत भेटले होते. याच महिन्यामध्ये पंतप्रधान मोदी, केंद्रीय गृहमंत्री अमित शाह आणि भाजपाच्या अनेक वरिष्ठ नेत्यांनी नवी दिल्लीमध्ये सुप्रिया सुळे यांची कन्या आणि शरद पवारांची नात रेवती सुळे यांच्या लग्नाच्या रिसेप्शनला हजेरी लावली होती. PM Narendra Modi Baramati

हेही वाचा: 

Supriya Sule : “आधीच 9 लाख कोटींहून अधिक कर्जाचा बोजा..”; सुप्रिया सुळेंनी कडक शब्दांत सुनावलं म्हणाल्या “ही आर्थिक उधळपट्टी…”