Pravin Darekar on Sanjay Raut । लोकसभा निवडणुकीचा आता एकच टप्पा शिल्लक राहिला आहे. यानंतर ४ तारखेला देशात नेमकी कोणाची सत्ता येणार हे ठरणार आहे. दरम्यान, यावरूनच आता राज्यात राजकीय आखाडा रंगताना दिसत आहे. कारण 4 जूननंतर संजय राऊत यांचं थोबाड फुटलेलं दिसेल, अशी टिका भाजप नेते प्रविण दरेकर यांनी केली आहे.
तसेच “संजय राऊतांनी आपल्या पक्षाची, आपल्या घराची काळजी करावी, हा देश मोदींच्या नेतृत्वाखाली चालेल, ” असे म्हणत संजय राऊतांवर प्रवीण दरेकरांनी पलटवार केलाय.
चार जूननंतर संजय राऊतांचं थोबाड फुटलेलं Pravin Darekar on Sanjay Raut ।
संजय राऊत यांनी केलेल्या टीकेला भाजप नेते प्रविण दरेकर यांनी उत्तर दिले आहे. ते म्हणाले की, “4 जूननंतर संजय राऊतांचं थोबाड फुटलेलं आपल्याला दिसेल. कारण योगी आदित्यनाथ यांनी देशाची गरज मोदी आहेत, देशाच्या भविष्यासाठी मोदींची गरज आहे. हे जाहीर सभांमधून अगदी ठणकावून सांगितलं आहे.
त्यामुळे मोदी-योगी असं चित्र उभं करू नका. संजय राऊत तुम्ही आपल्या पक्षाची आपल्या घराची काळजी करा. हा देश, आमचा पक्ष मोदींच्या नेतृत्वाखाली चालेल, हे सर्वश्रुत आहे. संजय राऊत भ्रमिष्ट झालेत म्हणून अशा प्रकारच शोधून शोधून, काही काढून प्रसिद्धीत राहण्याचा आणि नौटंकी करण्याचा प्रयत्न करतात.” असे म्हटले आहे.
‘ते’ वक्तव्य म्हणजे मूर्खपणाचा कळस Pravin Darekar on Sanjay Raut ।
पुढे बोलताना दरेकर यांनी, “सामनाच्या दाव्याला आम्ही काडी मात्र किंमत देत नाही. गडकरींच्या संदर्भातलं वक्तव्य म्हणजे, संजय राऊतांचा मूर्खपणाचा कळस. कारण प्रचारात राज्यभर व्यस्त असताना सुद्धा देवेंद्र फडणवीस यांनी आणखी विजय भक्कम व्हावा, यासाठी काय योगदान दिलं आहे ते नागपूरवासियांना माहीत आहे. संजय राऊत यांची दुटप्पी भूमिका आहे. अगोदर बोलायचं विरोधात रसद पुरवली, नंतर बोलायचं प्रचारात उतरले, संजय राऊत टीका करताना सुद्धा काय नेमकं बोलायचंय, हे निश्चित करून घ्या.”, असे म्हटले आहे.