Prakash Ambedkar ।  या वर्षाच्या अखेरीस महाराष्ट्रात विधानसभा निवडणुका होण्याची शक्यता आहे. निवडणुकीपूर्वी महाराष्ट्रातील राजकीय वातावरण चांगलेच तापले आहे. लोकसभा निवडणुकीत महाविकास आघाडीशी युतीची चर्चा होऊ न शकल्याने वंचित बहुजन आघाडीने एकट्याने निवडणूक लढवली होती, मात्र प्रकाश आंबेडकर यांनी आता आगामी विधानसभेसाठी तिसरी आघाडी जाहीर केलीय.

या पक्षाशी युती केली Prakash Ambedkar । 
प्रकाश आंबेडकर यांनी यासाठी एक पत्रकार परिषद आयोजित केली होती त्यावेळी त्यांनी,”महाराष्ट्र विधानसभा निवडणुकीसाठी विविध आदिवासी संघटनांनी तिसरी आघाडी स्थापन करण्यासाठी पुढाकार घेतला आहे. वंचित बहुजन आघाडी, गोंडवाना गणतंत्र पार्टी, आदिवासी देव गवारी, आदिवासी माना समाज, आदिवासी जमात संघ, आदिवासी विद्यार्थी कृती समिती, भारत आदिवासी पक्ष, एकलव्य आघाडी, आदिवासी एकता परिषद आणि जयेश अशी त्यांची नावे आहेत.’ असे त्यांनी यावेळी सांगितले.

आंबेडकर पुढे म्हणाले की, “महाराष्ट्रात 24 जागा आदिवासींसाठी राखीव आहेत. हे क्षेत्र आदिवासी योजनेंतर्गत येतात. आदिवासी लोकही बिगर आदिवासी योजनांमध्ये राहतात. विदर्भ, जळगाव खान्देशातील आदिवासी, पालघर इगतपूर कर्जतचे आदिवासी आणि कोकणातील आदिवासी वेगवेगळ्या दिशेने वाटचाल करत आहेत. नागपुरात बैठक होऊन आदिवासी संघटना एका व्यासपीठावर येतील, असे ठरले. आज मुंबईत आदिवासी संघटनांची बैठक झाली आणि आज आम्ही घोषणा करत आहोत.” असे आंबेडकर म्हणाले.

आदिवासींचे प्रश्न काय असतील? Prakash Ambedkar । 
*  आदिवासी भाग प्रदूषित नाही आणि अशा प्रदूषित भागात विकास होणार नाही, अशी प्रतिमा निर्माण झाली आहे.
*  अभयारण्य निर्माण करायचे असेल तर सर्वप्रथम आपण आदिवासी भागाकडे पाहतो.
*  आदिवासी भागात खनिज उत्खनन होते पण आदिवासी बेरोजगार राहतात.
*  आदिवासींमध्ये कुपोषण आणि बेरोजगारी सर्वाधिक आहे.
*  आगामी काळात महाराष्ट्रातील विविध भागातील आदिवासी एका व्यासपीठावर एकत्र येतील आणि एकत्रितपणे त्यांची भविष्यातील भूमिका ठरवतील.
*   तीन ठिकाणी आदिवासी कार्यक्रम आयोजित केले जातील. जळगाव, मनमाड, नागपूर येथे मोठ्या सभेचा कार्यक्रम होणार आहे.
*  २४ आरक्षित विधानसभा मतदारसंघांमध्ये २२% आदिवासी लोकसंख्या आहे.

दरम्यान इतरांशी युती मजबूत करणार असल्याचे प्रकाश आंबेडकर म्हणाले. सध्या पक्ष बदलून तेच चेहरे सरकारमध्ये असून राज्याचा विकास मागे पडला आहे. मुद्द्यांवर निवडणुका झाल्या पाहिजेत आणि आम्ही आदिवासींच्या प्रश्नांवर लढत आहोत.

हेही वाचा
अमित शाहांनी घेतले लालबागच्या राजाचे दर्शन; दौऱ्यादरम्यान अजित पवार अनुपस्थित असल्याने चर्चांना उधाण