Amit Shah And Ajit Pawar |  केंद्रीय गृहमंत्री अमित शाह दोन दिवसीय मुंबई दौऱ्यावर आहेत. यादरम्यान अमित शाह यांनी पत्नीसह आज मुंबईच्या लालबागच्या राजाचे दर्शन घेतले. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि आशिष शेलारही उपस्थित होते.

अमित शहा हे कालपासून मुंबई दौऱ्यावर आहेत. आज त्यांनी एकनाथ शिंदे यांच्या वर्षा बंगल्यावर जाऊन गणेशाचे दर्शन घेतले. तसेच, देवेंद्र फडणवीस यांच्या सागर बंगल्यावर जाऊन त्यांनी गणेशाचे दर्शन घेतले. त्यानंतर अमित शहा यांनी लालबागच्या गणपतीचे दर्शन घेतले. गेल्यावर्षीही अमित शाह यांनी सहकुटुंब लालबाग राजाचे दर्शन घेतले होते.

अमित शाहांसोबत महायुतीचे नेतेमंडळी उपस्थित 

अमित शाह सकाळी ११.५५ च्या दरम्यान लालबागचा राजाच्या दर्शनासाठी आले. यावेळी त्यांनी गणरायांच्या मूर्तीला हात जोडून नमस्कार केला. त्यानंतर त्यांनी बाप्पााला नारळाचे तोरण अर्पण केले. यावेळी एकनाथ शिंदे, देवेंद्र फडणवीस यांच्यासह विनोद तावडे, दीपक केसरकर, चंद्रशेखर बावनकुळे, रावसाहेब दानवे हे नेतेमंडळी देखील उपस्थित होते. परंतु अजित पवार यावेळी उपस्थित नसल्याने राजकीय वर्तुळात चर्चांना उधाण आले आहे.

अजित पवार गैरहजर अन् राजकीय वर्तुळात चर्चा

अजित पवार हे रविवारी महायुतीच्या बैठकीसाठी बारामतीहून मुंबईला आले होते. मात्र, ही बैठक होऊ शकली नव्हती. त्यानंतर अजित पवार हे त्यांच्या मुंबईतील देवगिरी बंगल्यावरच होते. मात्र, तरीही अजित पवार सकाळी अमित शाह यांच्यासोबत लालबागच्या राजाच्या दर्शनाला आले नसल्याने राजकीय वर्तुळात चर्चा रंगल्या आहेत.

दरम्यान, केंद्रिय गृहमंत्री अमित शाह यांच्यासोबत महायुतीच्या नेत्यांची बैठक एअरपोर्टला पार पडणार आहे. यावेळी अजित पवार उपस्थित राहणार असल्याची माहिती समोर येत आहे. भाजपच्या सुकाणू समिती सोबत अमित शाह यांची चर्चा झाल्यानंतर जागा वाटपाच्या अनुषंगाने महायुतीच्या नेत्यांची बैठक पार पडणार आहे.

हेही वाचा: 

भारतीय गुंतवणूकदार जागतिक संकेतांना घाबरले नाहीत ; देशांतर्गत बाजार घसरणीनंतर तेजीच्या ट्रेंडकडे परतला