Prajakta Mali : प्राजक्ता माळीच्या गळ्यात मंगळसूत्र; व्हिडिओ शेअर करत म्हणाली….
Prajakta Mali : नुकत्याच शेअर केलेल्या व्हिडीओमध्ये प्राजक्ताने स्वतः हे मंगळसूत्र परिधान करून त्याचा लूक आणि लांबी चाहत्यांना दाखवली आहे.
Prajakta Mali : अभिनेत्री प्राजक्ता माळी तिच्या अभिनयासोबतच हटके फॅशन सेन्स आणि दागिन्यांच्या खास कलेक्शनसाठीही लोकप्रिय आहे. तिच्या ‘प्राजक्तसाज’ या ज्वेलरी ब्रँडमधील नवनवीन दागिने नेहमीच चाहत्यांचं लक्ष वेधून घेतात. नुकतंच प्राजक्ताने आपल्या ब्रँडमधून ‘रखुमाई मंगळसूत्र’ खास ग्राहकांच्या भेटीला आणलं आणि या मंगळसूत्राला चाहत्यांकडून तुफान प्रतिसाद मिळाला आहे.
लॉन्च झाल्यानंतर अवघ्या काही तासांतच ‘रखुमाई मंगळसूत्र’ सोल्ड आऊट झाल्याची माहिती स्वतः प्राजक्ताने सोशल मीडियाच्या माध्यमातून दिली. नुकत्याच शेअर केलेल्या व्हिडीओमध्ये प्राजक्ताने स्वतः हे मंगळसूत्र परिधान करून त्याचा लूक आणि लांबी चाहत्यांना दाखवली आहे.
मंगळसूत्र लॉन्च करताना ते प्राजक्ताकडे उपलब्ध नसल्याने ती त्याचा लूक चाहत्यांना दाखवू शकली नव्हती. हे मंगळसूत्र कुठेतरी मिसप्लेस झालं होतं. मात्र, नंतर ते सापडल्यानंतर प्राजक्ताने खास व्हिडीओ शेअर करत चाहत्यांना ‘रखुमाई मंगळसूत्रा’ची झलक दाखवली.
Prajakta Mali |
या व्हिडीओमध्ये प्राजक्ताने सांगितलं की, “परवाच दिवशी आपलं रखुमाई मंगळसूत्र लाँच झालंय आणि ते आजच दुपारी सोल्ड आऊट झालेलं आहे.” मंगळसूत्राला मिळालेल्या भरघोस प्रतिसादाबद्दल तिने ग्राहक आणि चाहत्यांचे आभारही मानले. तसेच लवकरच हे मंगळसूत्र पुन्हा स्टॉकमध्ये उपलब्ध करून दिलं जाणार असल्याचंही तिने स्पष्ट केलं.
View this post on Instagram
दरम्यान, ‘रखुमाई मंगळसूत्रा’च्या डिझाइनमध्ये भविष्यात काही बदल करण्याचा विचार सुरू असल्याचं प्राजक्ताने सांगितलं. आजच्या काळातील महिलांना लक्षात घेऊन या मंगळसूत्राच्या वाट्या तुलनेने छोट्या ठेवण्यात आल्या आहेत. मात्र, ग्राहकांकडून मिळणाऱ्या प्रतिक्रियेनुसार वाट्या थोड्या मोठ्या करण्याचा विचार केला जात आहे.
त्यामुळे आगामी काळात ‘रखुमाई मंगळसूत्रा’चे दोन वेगवेगळे डिझाइन पर्याय ग्राहकांना पाहायला मिळण्याची शक्यता आहे. प्राजक्ताच्या या नव्या दागिन्याला मिळालेला प्रतिसाद पाहता ‘प्राजक्तसाज’च्या कलेक्शनमध्ये ‘रखुमाई मंगळसूत्रा’ने अल्पावधीतच विशेष स्थान मिळवलं आहे.
