मुंबई : 2008 च्या मालेगाव स्फोट प्रकरणी भाजप खासदार प्रज्ञासिंह ठाकूर गुरुवारी येथील विशेष एनआयए कोर्टात हजर झाल्या. त्या मालेगाव स्फोट प्रकरणातील मुख्य आरोपी आहेत.

हजर होण्याच्या एक दिवस आधी विशेष कोर्टाचे न्यायाधीश व्ही. एस. पडळकर यांनी या प्रकरणातील सर्व आरोपींना गेल्या वर्षी मे महिन्यातील कोर्टाच्या दिलेल्या आदेशाची दखल  आठवड्यातून एकदा न्यायालयात हजर राहण्याचे निर्देश दिले.

प्रज्ञासिंह ठाकूर  जून 2019  मध्ये कोर्टात हजर झाल्या होत्या. या प्रकरणात प्रज्ञासिंह ठाकूर आणि लेफ्टनंट कर्नल प्रसाद पुरोहित यांच्यासह सात जणांवर खटला सुरू आहे.

29 सप्टेंबर 2008  रोजी मालेगाव शहरात एका मशिदीजवळ मोटारसायकलचा स्फोट झाला होता. या स्फोटात सहा लोक ठार तर  १०० हून अधिक जण जखमी झाले होते.