TVK Politics : तमिळनाडूतील विधानसभेच्या (TVK Politics) २ रिक्त जागांसाठी ६ ऑक्टोबरला पोटनिवडणूक होणार आहे. त्यासाठी त्या राज्यातील सत्ताधारी आघाडीचे नेतृत्व करणाऱ्या टीव्हीकेने उमेदवार जाहीर केले. त्यामुळे सरकार स्थापन केल्यानंतर पहिल्या राजकीय लढाईसाठी मुख्यमंत्री विजय यांचा पक्ष सज्ज झाला आहे. तमिळनाडूत एप्रिलमध्ये विधानसभा निवडणूक झाली.

त्यामध्ये अण्णाद्रमुकच्या तिकिटावर विजयी झालेल्या पी.सत्यभामा आणि के.मरगथम कुमारवेल या महिला नेत्यांनी आमदारकीचा राजीनामा दिला. त्यांनी टीव्हीकेमध्ये प्रवेश केला. त्यांच्या राजीनाम्यामुळे रिक्त झालेल्या विधानसभा निवडणुकांसाठी (TVK Politics) पोटनिवडणूक होत आहे.

ती पोटनिवडणूक सरकार स्थापन केल्यानंतर टीव्हीकेच्या दृष्टीने पहिली राजकीय कसोटी ठरणार आहे. त्या पक्षाने आपले उमेदवार सत्ताधारी आघाडीचे संयुक्त उमेदवार म्हणून लढणार असल्याचे नमूद केले. टीव्हीकेने उमेदवार निश्‍चित करताना पक्षबदलूंना संधी दिली.

तमिळनाडूतील प्रमुख विरोधी पक्ष असणाऱ्या द्रमुकने याआधीच दोन्ही जागांवरील उमेदवार जाहीर केले. तर, अण्णाद्रमुक या विरोधी पक्षानेही उमेदवार निवडीची प्रक्रिया सुरू केली आहे. त्यामुळे पोटनिवडणुकीला (TVK Politics) तिरंगी लढतीचे स्वरूप प्राप्त होईल. अण्णाद्रमुक संबंधित जागा राखण्याची किमया करणार की टीव्हीके आपले संख्याबळ वाढवणार ते निकालातून स्पष्ट होईल. पोटनिवडणुकीचा निकाल ९ ऑक्टोबरला जाहीर केला जाईल.