Political News : उत्तर प्रदेशातील आगामी विधानसभा निवडणुकीच्या (Political News) पार्श्वभूमीवर राजकीय घडामोडींना वेग आला असून राजकीय वातावरण चांगलेच तापले आहे. सर्वच पक्षांनी जोरदार तयारी सुरू केली असतानाच, बहुजन समाज पक्षाच्या (बसपा) प्रमुख मायावती यांनी पक्षांतर्गत एक अत्यंत धक्कादायक व मोठा निर्णय घेतला आहे.

पक्षाचे राष्ट्रीय महासचिव सतीश चंद्र मिश्रा यांचे अत्यंत निकटवर्तीय मानले जाणारे आणि माजी कॅबिनेट मंत्री अनंत कुमार मिश्रा उर्फ ‘अंटू मिश्रा’ यांची बसपातून तडकाफडकी हकालपट्टी करण्यात आली आहे.

मायावती यांनी स्वतः सोशल मीडियावर (X/ट्विट) पोस्ट करून या धडक कारवाईची (Political News) माहिती दिली. अंटू मिश्रा हे गेल्या अनेक दिवसांपासून पक्षाविरोधी कारवायांमध्ये सहभागी असल्याचा आरोप बसपाच्या केंद्रीय कार्यालयाकडून प्रसिद्ध केलेल्या निवेदनात करण्यात आला आहे. पक्षाच्या नेतृत्वाने हा गंभीर शिस्तभंग मानत त्यांच्यावर तात्काळ निष्कासनाची कारवाई केली आहे.

उत्तर प्रदेश में बी.एस.पी. सरकार में स्वास्थ्य मंत्री रहे श्री अनन्त कुमार मिश्रा उर्फ अन्टू मिश्रा को उनकी पार्टी विरोधी गतिविधियों आदि के फलस्वरूप आज तत्काल प्रभाव से उन्हें पार्टी से निष्कासित कर दिया गया है।
वैसे भी अब जबकि ख़ासकर उत्तर प्रदेश में चुनावी माहौल काफी गरमाया…

— Mayawati (@Mayawati) August 13, 2026

2027 च्या निवडणुकीची तयारी आणि अचानक हकालपट्टी

अंटू मिश्रा हे कानपूरमधील महाराजपूर विधानसभा मतदारसंघातून २०२७ ची विधानसभा निवडणूक लढवण्याची जोरदार तयारी करत होते. मात्र, निवडणुकीच्या रिंगणात उतरण्यापूर्वीच मायावती यांनी त्यांच्यावर कारवाईचा चाबूक चालवल्याने बसपाच्या कार्यकर्त्यांमध्ये आणि उत्तर प्रदेशच्या राजकीय वर्तुळात प्रचंड खळबळ उडाली आहे.

सतीश चंद्र मिश्रांचे निकटवर्तीय अन् माजी मंत्री

अंटू मिश्रा यांची गणना सतीश चंद्र मिश्रा यांच्या अत्यंत विश्वासू सहकाऱ्यांमध्ये केली जात असे. सतीश मिश्रा यांनीच त्यांना बसपामध्ये आणले होते. २००७ च्या विधानसभा निवडणुकीत बसपाने अंटू मिश्रा यांना फर्रुखाबाद मतदारसंघातून रिंगणात उतरवले होते. या निवडणुकीत मिळालेल्या विजयानंतर मायावती सरकारच्या काळात त्यांच्याकडे आरोग्य खात्याचे कॅबिनेट मंत्रीपद सोपवण्यात आले होते.

विधानसभा निवडणुकीची (Political News) रणधुमाळी जवळ येत असताना मायावती यांनी घेतलेला हा निर्णय इतर पदाधिकाऱ्यांसाठी स्पष्ट इशारा मानला जात आहे. आगामी निवडणुकीच्या काळात विरोधकांच्या हालचाली आणि पक्षांतर्गत कारवायांबाबत सर्व पदाधिकारी व कार्यकर्त्यांनी अत्यंत सावध आणि सतर्क राहावे, असे आवाहनही मायावती यांनी केले आहे.