Political News : पश्चिम बंगालमधील बांकुरा जिल्ह्यातील ओंदा मतदारसंघातील भाजप आमदार अमरनाथ साखा यांनी पक्षाच्या (Political News) काही ज्येष्ठ नेत्यांवर जोरदार निशाणा साधला आहे. ज्येष्ठ नेते सकाळी उठल्यापासून स्व-प्रचार, रील्स बनवणे, फॉलोअर्स वाढवणे आणि फॅन क्लब तयार करण्यात व्यस्त आहेत, असा थेट आरोप साखा यांनी सोशल मीडिया पोस्टद्वारे केला आहे.

मार्क्सवादी कम्युनिस्ट पक्षाच्या अपप्रचाराला उत्तर देण्याऐवजी पक्षनेते स्वतःच्या प्रसिद्धीमागे (Political News) धावत असल्याची खंत त्यांनी व्यक्त केली. अमरनाथ साखा यांनी आपल्या पोस्टमध्ये स्पष्ट केले की कोणत्याही एका नेत्याचे फॉलोअर होण्यापेक्षा आधी पक्षाचे निष्ठावंत व्हा. नेते येतील आणि जातील, पण पक्ष कायम राहील. विरोधी पक्षांकडून होणाऱ्या आरोपांना प्रत्युत्तर देण्यासाठी भाजपचे नेते पुढे येत नाहीत.

पक्षाचे नुकसान झाले तरी चालेल, पण स्वतःचा स्वार्थ साधला पाहिजे, अशी वृत्ती काही नेत्यांमध्ये निर्माण झाली आहे. पक्षात काही लोकांचे मुख्य लक्ष फक्त पैसे कमवणे आणि वैयक्तिक प्रसिद्धी मिळवणे हेच राहिले आहे.

या वादावर प्रतिक्रिया देताना बांकुरा जिल्ह्यातील भाजपच्या वरिष्ठ नेत्यांनी (Political News) सांगितले की, अमरनाथ साखा हे पक्षाचे वरिष्ठ आमदार आहेत. त्यांनी आपली मते आणि तक्रारी पक्षाच्या अंतर्गत व्यासपीठावर मांडायला हव्या होत्या. त्यांच्या भावनांची दखल घेतली जाईल.