PNG Gas Holder : पश्चिम आशियात सुरू असलेल्या युद्धजन्य परिस्थितीचा परिणाम नागरिकांच्या घरातील किचनवर (PNG Gas Holder) झाल्याचे दिसून येत आहे. सरकारकडून गॅसटंचाई नाही असे सांगण्यात येत असले तरीही गॅसटंचाई जाणवत आहे. त्यातच केंद्र सरकारने एक महत्त्वपूर्ण निर्णय घेतला असून आता पीएनजी (पाईपद्वारे गॅस) कनेक्शन (PNG Gas Holder) असलेल्यांना गॅस सिलिंडर वापरता येणार नाही.पेट्रोलियम आणि नैसर्गिक गॅस मंत्रालयाने हा आदेश जारी केला आहे. केंद्रीय मंत्रालयाने स्पष्ट केले की, ज्या लोकांकडे पाईपने गॅस (PNG Gas Holder) पुरवठा होतो, त्या नागरिकांना आता गॅस सिलिंडरचे कनेक्शन सोडावे लागणार आहे. ज्यांच्याकडे पाईपद्वारे गॅसचे कनेक्शन आहे, ते सरकारी डिस्ट्रीब्यूटर्सकडून सिलिंडरसाठी पुरवठा प्राप्त करू शकणार नाहीत. PNG Gas Holder पीएनजी आणि एलपीजी गॅस कनेक्शन एकत्र ठेवल्याने गॅस पुरवठ्यामध्ये असमानता, काळाबाजार आणि अनावश्यक दुहेरी वापराने अडचण निर्माण होते. त्यामुळेच ग्राहकांना एकाच गॅस कनेक्शनद्वारे घरगुती गॅसचा पुरवठा केला जाईल, असे स्पष्ट करण्यात आले आहे. तसेच अशा ग्राहकांना आता नवीन सिलेंडरचे रिफिल बुकिंग करता येणार नाही. भविष्यातही पीएनजी वापरकर्त्यांना नवीन एलपीजी कनेक्शन घेण्याची परवानगी दिली जाणार नाही. ज्या घरांमध्ये पाईप गॅसची सुविधा उपलब्ध आहे त्यांनी एलपीजी सिलेंडरचा वापर थांबवावा, असे मंत्रालयाने स्पष्ट केले आहे.
