प्रभात वृत्तसेवा पुणे – महापालिका निवडणुकीसाठी अर्ज भरण्यासाठी सोमवारी क्षेत्रीय कार्यालयांच्या निवडणूक कार्यालयांकडे झुंबड उडाली होती. सोमवारी दिवसभरात १५ निवडणूक कार्यालयांकडे तब्बल ६९४ अर्ज दाखल झाले असल्याची माहिती महापालिका प्रशासनाकडून देण्यात आली. त्यात, येरवडा, कळस, धानोरी ६९, नगर रोड-वडगाव शेरी ८८, कोथरूड-बावधन २४, औंध-बाणेर २०, शिवाजीनगर-घोले रोड १४, कै. बा. स. ढोले पाटील रोड ४७, हडपसर-मुंढवा ६३, वानवडी-रामटेकडी ४२, बिबवेवाडी ७२, भवानी पेठ ५९, कसबा-विश्रामबाग वाडा ३२, वारजे-कर्वेनगर ४८, सिंहगड रोड ४०, धनकवडी-सहकारनगर ५८ आणि कोंढवा-येवलेवाडी १८. या सर्व कार्यालयांमधून एकूण ६९४ नामनिर्देशन पत्रे दाखल करण्यात आली आहेत. तर सोमवारी दिवसभरात १४४९ अर्जांची विक्री झाली असून अर्ज विक्रीचा आकडा ११ हजारांच्या वर गेला आहे.
