डॉमिनिका :- डॉमिनिका सरकारने भारताचे पंतप्रधान नरेंद्र मोदी यांना सर्वोच्च नागरी सन्मानाने सन्मानित करण्याचा निर्णय घेतला आहे. डॉमिनिका सरकारने एक पत्रक प्रसिद्ध करून म्हटले आहे की, गयाना येथे होणाऱ्या आगामी भारत-कॅरिकॉम परिषदेदरम्यान पंतप्रधान मोदींना हा सन्मान प्रदान करण्यात येणार आहे.

डॉमिनिका सरकारच्या निवेदनात असे म्हटले आहे की, डॉमिनिकाचे राष्ट्राध्यक्ष सिल्व्हानी बर्टन पंतप्रधान मोदींना हा सन्मान देतील. फेब्रुवारी 2021 मध्ये, पंतप्रधान मोदींनी डॉमिनिकाला एस्ट्राझेनेका या कोरोना लसीचे 70 हजार डोस पुरवून एक मौल्यवान भेट दिली. पंतप्रधान मोदींच्या या उदारतेची दखल घेत डॉमिनिका सरकारने त्यांना सर्वोच्च नागरी सन्मानाने सन्मानित करण्याचा निर्णय घेतला आहे.

तसेच, पीएम मोदींच्या नेतृत्वाखाली भारताने डॉमिनिकाला आरोग्य, शिक्षण आणि आयटी क्षेत्रातही खूप मदत केली आहे. हवामान बदलाचा सामना करण्यासाठी भारत डॉमिनिकालाही मदत करत आहे. डॉमिनिकाचे पंतप्रधान रुझवेल्ट स्कर्मिट यांनी पंतप्रधान मोदींचे त्यांच्या देशाचे खरे मित्र म्हणून वर्णन केले, ज्यांनी जागतिक आरोग्य संकटाच्या काळात डॉमिनिकातील लोकांना मदत केली.

Bangladesh : घटनेतून बंगाली राष्ट्रवाद, धर्मनिरपेक्षता रद्द करा – मोहम्मद असदुझमान

अनेक देशांनी पंतप्रधान नरेंद्र मोदी यांना त्यांच्या सर्वोच्च नागरी सन्मानाने सन्मानित केले आहे. गेल्या जुलैमध्येच रशियाचे राष्ट्राध्यक्ष व्लादिमीर पुतिन यांनी पंतप्रधान मोदींना त्यांच्या देशातील सर्वोच्च नागरी सन्मान ‘ऑर्डर ऑफ सेंट अँड्र्यू द अपॉस्टल’ देऊन गौरवले होते. त्याआधी पंतप्रधान मोदींना भूतानचा सर्वोच्च नागरी सन्मान ऑर्डर ऑफ द ड्रुक ग्याल्पोनेही सन्मानित करण्यात आले होते. भूतानने पहिल्यांदाच गैर-भूतानी व्यक्तीला हा सन्मान दिला आहे. पंतप्रधान मोदींना संयुक्त अरब अमिराती, अफगाणिस्तान, बहरीन आणि सौदी अरेबिया, फ्रान्स, इजिप्त, फिजी, पापुआ न्यू गिनी, पलाऊ, अमेरिका, मालदीव, पॅलेस्टाईन या देशातूनही सर्वोच्च नागरी पुरस्कार मिळाले आहेत.