PM Modi: इटलीच्या पंतप्रधान जॉर्जिया मेलोनी यांनी एक नवीन राजकीय विक्रम प्रस्थापित केला आहे. पंतप्रधान नरेंद्र मोदी यांनी या कामगिरीबद्दल त्यांचे अभिनंदन केले आहे.

मेलोनी यांना आपली मैत्रीण संबोधून पंतप्रधान मोदी म्हणाले की, इटलीच्या युद्धोत्तर इतिहासातील सर्वाधिक काळ पंतप्रधानपद भूषवणे हे त्यांच्या नेतृत्वावरील इटालियन जनतेच्या विश्वासाचे प्रतीक आहे.

मोदी म्हणाले की, जॉर्जिया मेलोनी यांच्या मैत्रीमुळे भारत आणि इटली यांच्यातील विशेष सामरिक भागीदारी अधिक दृढ होण्यास मदत झाली आहे. दोन्ही देशांतील लोकांच्या अधिक चांगल्या आणि समृद्ध भविष्यासाठी मेलोनी यांच्यासोबत जवळून काम करत राहण्याची इच्छा त्यांनी व्यक्त केली.

ही कामगिरी इटालियन जनतेच्या विश्वासाचे प्रतीक  PM Modi:

पंतप्रधान नरेंद्र मोदी यांनी सोशल मीडिया पोस्टद्वारे जॉर्जिया मेलोनी यांचे अभिनंदन केले. त्यांनी लिहिले, “माझ्या मैत्रीण पंतप्रधान मेलोनी यांचे इटलीच्या युद्धोत्तर इतिहासातील सर्वाधिक काळ पंतप्रधानपद भूषवल्याबद्दल अभिनंदन.”

पंतप्रधान मोदी म्हणाले की, मेलोनी यांची ही कामगिरी त्यांच्या नेतृत्वावरील इटालियन जनतेचा विश्वास दर्शवते. त्यांनी मेलोनी यांना पुढील वाटचालीस शुभेच्छा दिल्या आणि येत्या काळातही त्यांच्या यशासाठी सदिच्छा व्यक्त केल्या.