PM Modi:  पंतप्रधान नरेंद्र मोदी यांनी आपल्या लोकसेवेची २५ वर्षे पूर्ण झाल्यानिमित्त, आपल्या १.४ अब्ज नागरिकांची सेवा अधिक जोमाने सुरू ठेवण्यासाठी शक्ती आणि सामर्थ्य मिळावे म्हणून देवाकडे प्रार्थना केली.

ते म्हणाले की, आज ते जे काही आहेत आणि त्यांच्यावर ज्या जबाबदाऱ्या आहेत, त्यामागे भारतातील जनतेचा सर्वात मोठा वाटा आहे. त्यांच्यासाठी जनता हेच जनार्दन आहेत.

पंतप्रधान मोदी म्हणाले की, ७ ऑक्टोबर २००१ रोजी जेव्हा त्यांनी गुजरातच्या मुख्यमंत्रीपदाची शपथ घेतली, तेव्हा आपले आयुष्य असा टप्पा गाठेल याची त्यांनी कधी कल्पनाही केली नव्हती. आज सरकार प्रमुख म्हणून त्यांच्या सेवेला २५ वर्षे पूर्ण झाली आहेत. याचे श्रेय त्यांनी जनतेच्या आशीर्वादाला दिले.

कार्यकर्त्यांप्रति कृतज्ञता व्यक्त केली  (PM Modi)

भारतीय जनता पक्ष आणि राष्ट्रीय लोकशाही आघाडीवर विश्वास ठेवणाऱ्या सर्व राजकीय पक्षांचे आणि त्यांच्या कार्यकर्त्यांचे त्यांनी आभार मानले. पंतप्रधान मोदी म्हणाले की, विधानसभा आणि लोकसभा निवडणुकांमध्ये ज्या जनतेने त्यांची सेवा करण्यासाठी निवड केली, त्या जनतेच्या चरणी ते नतमस्तक होतात. यासाठी त्यांनी भारताची लोकशाही आणि संविधानाप्रतीही कृतज्ञता व्यक्त केली.

१.४ अब्ज देशवासियांसाठी शक्ती मिळावी म्हणून देवाकडे प्रार्थना   (PM Modi)

पंतप्रधान मोदी म्हणाले की, त्यांनी आज सकाळी १.४ अब्ज देशवासियांसाठी देवाकडे प्रार्थना केली. त्यांनी देवाकडे देशासाठी अधिक जोमाने काम करण्याची आणि लोकांची सेवा सुरू ठेवण्याची शक्ती व सामर्थ्य मागितले.

ते म्हणाले की, आज ते जे काही आहेत, जिथे कुठेही आहेत आणि जी काही जबाबदारी सांभाळत आहेत, त्यामागे देशातील लोकांचाच सर्वात मोठा वाटा आहे. त्यांच्यासाठी लोक हेच देव आहेत. देशाने त्यांना खूप काही दिले आहे आणि म्हणूनच देशाप्रती त्यांची जबाबदारीही खूप मोठी आहे. ते म्हणाले की, लोकांचा त्यांच्यावर सर्वात मोठा हक्क आहे.

२५ वर्षांचा अनुभव ही मोदींची नव्हे, तर देशाची संपत्ती  PM Modi: 

पंतप्रधान म्हणाले की, गेल्या २५ वर्षांत त्यांनी मिळवलेला अनुभव ही त्यांची सर्वात मोठी संपत्ती आहे. पण ही संपत्ती केवळ मोदींचीच नाही, तर देशाची आहे. ते म्हणाले की, भारतमातेच्या प्रत्येक मुलाला या अनुभवाचा हक्क आहे.

आपल्या विद्यार्थीदशेतील आठवणी सांगताना ते म्हणाले की, वडनगर येथील शाळेत ते नेहमी सर्वात आधी पोहोचणाऱ्यांपैकी एक होते. शिकण्याची ओढ त्यांच्या जीवनाचा एक भाग राहिली आहे आणि आजही ते स्वतःला एक विद्यार्थीच मानतात. पंतप्रधान मोदी म्हणाले की, आज त्यांनी देवाकडे प्रार्थना केली की त्यांची शिकण्याची शक्ती कधीही कमी होऊ नये.

ज्यांनी मला शिकवले, ज्यांनी मला खाली खेचले आणि ज्यांनी माझा विरोध केला, त्या प्रत्येकाकडून मी काहीतरी शिकलो.

पंतप्रधान मोदी म्हणाले की, जेव्हा ते मागे वळून पाहतात, तेव्हा त्यांना केवळ कृतज्ञता वाटते. ते म्हणाले की, त्यांच्या आयुष्यात ज्यांनी त्यांना शिकवले, ज्यांनी त्यांना जिंकण्यास मदत केली, ज्यांनी त्यांना खाली खेचले, ज्यांनी त्यांना पाठिंबा दिला आणि ज्यांनी त्यांचा विरोध केला, त्या सर्वांनी त्यांना काहीतरी शिकवले.

ते म्हणाले की, ज्यांनी त्यांना शिकवले त्यांनी त्यांना नम्र राहायला शिकवले. ज्यांनी त्यांना खाली खेचले त्यांनी त्यांना पुन्हा उभे राहायला शिकवले. ज्यांनी त्यांना पाठिंबा दिला त्यांनी त्यांना श्रद्धेची शक्ती शिकवली आणि ज्यांनी त्यांचा विरोध केला त्यांनी त्यांना लोकशाहीची शक्ती शिकवली. पंतप्रधान मोदी म्हणाले की, आता ते म्हणू शकतात की त्यांच्या आयुष्यातील कोणतीही घटना वाया गेली नाही. प्रत्येक घटनेने त्यांना काहीतरी शिकवले.