PM Modi : पंतप्रधान नरेंद्र मोदी यांनी मध्य प्रदेशातील ग्वाल्हेर येथे झालेल्या अपघाताबद्दल दुःख व्यक्त केले आहे. शनिवारी रात्री उशिरा ग्वाल्हेरमधील शीतला माता मंदिराच्या जवळ एका अनियंत्रित ट्रकने कारला धडक दिल्याने पंधरा जणांचा मृत्यू झाला आणि अनेक जण जखमी झाले. पंतप्रधान कार्यालयाने (पीएमओ) या घटनेसाठी नुकसान भरपाई जाहीर केली आहे.

आज पंतप्रधान कार्यालयाने (पीएमओ) पंतप्रधान मोदींच्या हवाल्याने म्हटले आहे की, “मध्य प्रदेशातील ग्वाल्हेर येथे झालेल्या अपघातातील जीवितहानीच्या बातमीने मी अत्यंत व्यथित झालो आहे.

शोकाकुल कुटुंबियांप्रति माझ्या संवेदना आहेत. जखमी लवकर बरे व्हावेत अशी मी सदिच्छा व्यक्त करतो.” पंतप्रधान मोदी म्हणाले की, पंतप्रधान राष्ट्रीय मदत निधीतून (पीएमएनआरएफ) मृत्युमुखी पडलेल्यांच्या कुटुंबीयांना प्रत्येकी २ लाख रुपयांची सानुग्रह मदत दिली जाईल. याव्यतिरिक्त, जखमींना प्रत्येकी ५०,००० रुपये मिळतील.

राष्ट्रपतींनी शोक व्यक्त केला PM Modi :
राष्ट्रपती द्रौपदी मुर्मू यांनी इंस्टाग्रामवर पोस्ट करत म्हटले आहे की, “मध्य प्रदेशातील ग्वाल्हेर येथे झालेल्या रस्ते अपघातातील जीवितहानीची बातमी दुःखद आहे. मी शोकाकुल कुटुंबियांप्रति माझ्या तीव्र संवेदना व्यक्त करते आणि जखमींच्या शीघ्र आरोग्यासाठी प्रार्थना करते.”

Distressed to learn about the loss of lives due to a mishap in Gwalior, Madhya Pradesh. My condolences to the bereaved families. Praying for the speedy recovery of the injured.

An ex-gratia of Rs. 2 lakh from PMNRF would be given to the next of kin of each of those who lost their lives. The injured would be given Rs. 50,000: PM @narendramodi

— PMO India (@PMOIndia) October 18, 2026

एसएसपी काय म्हणाले? PM Modi :
ग्वाल्हेरचे एसएसपी धर्मवीर सिंग यांनी सांगितले की, नवरात्रीदरम्यान मोठ्या संख्येने भाविक मंदिरात येत होते. छिनोरकडे जाणाऱ्या रस्त्याला तीव्र उतार आहे, जिथे अवजड वाहनांना बंदी आहे.

त्यांनी सांगितले की, धानाने भरलेला एक ट्रक पोलिसांचे बॅरिकेड्स तोडून पुढे गेला आणि अचानक त्याचे नियंत्रण सुटले. ट्रक उतारावरून खाली घसरला आणि मंदिराच्या बाहेरील भिंतीला व गेटला धडकला, ज्यामुळे भाविक रस्त्यावर अडकले. घटनास्थळी तैनात असलेले दोन पोलीस अधिकारीही जखमी झाले.