PM-Kisan Nidhi : प्रधानमंत्री किसान सन्मान निधी (पीएम किसान) योजनेचा (PM-Kisan Nidhi) 23 वा हप्ता देशभरातील शेतकऱ्यांना पंतप्रधान नरेंद्र मोदी यांच्या हस्ते शनिवारी तारकेश्वर (जि. हुगळी. पश्चिम बंगाल) येथे झालेल्या कार्यक्रमात वितरित करण्यात आला.

या कार्यक्रमाचे प्रक्षेपण कृषी विज्ञान केंद्र दहिगाव-ने येथून करण्यात (PM-Kisan Nidhi)आले. शनिवारी ( दि २० ) देशातील ९.४४ कोटीपेक्षा अधिक लाभार्थी शेतकऱ्यांना१८हजार ८८० कोटीपेक्षा अधिक्र रकमेचे वितरण यावेळी करण्यात आले. याच कार्यक्रमाचा भाग म्हणून कृषी विज्ञान केंद्र दहिगाव ने येथे कार्यक्रमाचे आयोजन करण्यात आले.

यामध्ये शेवगाव व नेवासे.तालुक्यातील शेतकऱ्यांनी सहभाग घेतला. प्रमुख कार्यक्रम सुरू होण्या अगोदर उपस्थित शेतकऱ्यांना खरीप हंगामातील व विविध फळपिकांची लागवड, रासायनिक खतांचा संतुलित वापर, किडी व रोगांचे व्यवस्थापन याबद्दल नंदकिशोर दहातोंडे व माणिक लाखे यांनी मार्गदर्शन केले.

हवामान बदल व एल निनो यामुळे होणारे बदल, आपत्कालीन पीक व्यवस्थापन, कमी पाणी असताना व पिकास ताण बसल्यानंतर करावयाचे व्यवस्थापन, विविध पिकांचे एकात्मिक अन्नद्रव्य व्यवस्थापन याबद्दल कृषी विज्ञान केंद्राचे प्रमुख व वरिष्ठ शास्त्रज्ञ डॉ एस.एस.कौशिक यांनी मार्गदर्शन केले.

यावेळी अंकुश जोगदंड, तालुका कृषी अधिकारी, शेवगाव, वैशाली नागवडे, मंडळ कृषी अधिकारी, ढोरजळगाव, आत्मा चे अधिकारीउपस्थित होते. कार्यक्रमासाठी कृषी विज्ञान केंद्राचे डॉ. चंद्रशेखर गवळी, प्रकाश हिंगे,प्रकाश बहिरट, प्रवीण देशमुख, अनिल धनवटे व इतर कर्मचारी यांनी योगदान दिले. ता .कृषी अधिकारी नेवासेचे धनंजय हिरवे यांनी प्रास्ताविक केले. .सचिन बडधे यांनी सुत्रसंचलन केले इंजी.राहुल पाटील यांनी (PM-Kisan Nidhi) आभार मानले.