Lok Sabha Election 2024 – लोकसभा निवडणुकीच्या मतमोजणीपूर्वी पाकिस्तान आंतरराष्ट्रीय सीमेवरून दहशतवाद्यांची घुसखोरी आणि दहशतवादी हल्ला करण्याचा कट रचत असल्याची बातमी विश्वसनीय सूत्रांकडून मिळाली आहे. या बातमीनंतर सुरक्षा यंत्रणा पूर्णपणे सतर्क झाल्या आहेत.

हिरानगर सेक्टरमध्ये बीएसएफ, निमलष्करी दल, पोलीस आणि लष्कराने ठिकठिकाणी नाकाबंदी करून पाकिस्तानचा कोणताही कट उधळून लावण्याची भूमिका घेतली आहे.

आंतरराष्ट्रीय सीमेपासून महामार्गापर्यंत आणि सीमेवरून येणाऱ्या सर्व मार्गांवर रात्रंदिवस कडक पाळत ठेवली जात आहे. यासोबतच अतिरेकी घुसखोरीच्या शक्यतेमुळे संवेदनशील मार्ग मानल्या जाणाऱ्या नदी-नाल्यांवरही पाळत ठेवण्याची यंत्रणा वाढवण्यात आली आहे.

भारत-पाकिस्तान आंतरराष्ट्रीय सीमेला लागून असलेला कठुआ जिल्हा अत्यंत संवेदनशील मानला जातो. फुटीरतावाद्यांना भारतातील लोकशाही प्रक्रिया उधळून लावण्यात आणि मतदान-मतमोजणी प्रक्रियेत अडथळे आणण्यात जास्त रस असल्याचे अनेकदा यापूर्वीही दिसून आहे आहे.

दुडू-बसंतगढ येथील व्हीडीजी सदस्याच्या हत्येनंतर फरार झालेल्या दहशतवाद्यांचा शोध घेण्यासाठी अनेक दिवस जंगलात शोध घेऊनही सुरक्षा यंत्रणा रिकामीच राहिल्या असताना, व्हीडीजी सदस्याची हत्या करणारे दहशतवादीच असावेत, अशी भीती अधिकाऱ्यांनी व्यक्त केली आहे.

कोणत्याही क्षणी दहशतवादी पुन्हा घुसखोरी करू शकतात. संशयितांवर नजर ठेवण्याबरोबरच आंतरराष्ट्रीय सीमेपासून ते जिल्ह्यातील डोंगराळ भागापर्यंतही सुरक्षा यंत्रणा संशयितांवर लक्ष ठेवून आहेत.

उधमपूर लोकसभा जागेसाठी ४ जून रोजी मतमोजणी होणार आहे. कठुआ येथील शासकीय पदवी महाविद्यालयात मतमोजणी होणार आहे.