Pimpri Chinchwad Power Cut – महापारेषण कंपनीच्या २२० के.व्ही. भोसरी अतिउच्चदाब उपकेंद्रातील ८० एमव्हीए (MVA) क्षमतेच्या अतिउच्चदाब रोहित्रामध्ये रविवारी (दि. १५) रात्री ११.१० वाजेच्या सुमारास अंतर्गत बिघाड झाला आहे. परिणामी या अतिउच्चदाब रोहित्रावर अवलंबून असलेला ८० एमव्हीएचा वीजभार बाधित झाला असून, भोसरी व पिंपरी विभागातील वीज ग्राहकांवर त्याचा परिणाम होणार आहे. त्यामुळे महावितरणने या भागातील वीजग्राहकांना सहकार्याचे आवाहन केले आहे.बाधित भागाची नावे- एस ब्लॉक, जे ब्लॉक, डी २ ब्लॉक, एफ २ ब्लॉक, टी ब्लॉक, इंद्रायणीनगर, भोसरीगाव, जलवायू विहार, गंधर्व नगरी, सेक्टर ६,४. नेहरूनगर, संत तुकारामनगर, दापोडी, कासारवाडी. दि. ०२ फेब्रुवारी,२०२६ महापारेषण कंपनीच्या याच २२० के. व्ही. भोसरी अतिउच्चदाब उपकेंद्रातील ८० एमव्हीए क्षमतेच्या अतिउच्चदाब रोहित्र अंतर्गत बिघाड झाला होता. महावितरणच्या भोसरी व पिंपरी विभागामार्फत पर्यायी व्यवस्थेच्या माध्यमातून वीजपुरवठा सुरळीत करण्यासाठी युद्धपातळीवर प्रयत्न सुरूच आहेत. दिवसभरात इतर वीजवाहिन्यांवर अतिरिक्त भार टाकून वीजपुरवठा सुरू करण्यात यश आले; परंतु अतिरिक्त भारामुळे वीजपुरवठ्यात व्यत्यय येऊ शकतो. त्यावरही त्वरित उपाययोजना करण्यात येणार असल्याचे महावितरणकडून स्पष्ट करण्यात आले.
