मुंबई – अभिनेत्री श्रद्धा कपूर (Shraddha Kapoor) अभिनयासह तिच्या वयक्तिक कारणामुळे देखील नेहमीच चर्चेत राहते. नुकतेच तिने आलीशान कार खरेदी केली होती. याचे फोटो सोशल मीडियावर तुफान व्हायरल झाले होते. यातील काही फोटोंमध्ये श्रद्धा कारची पूजा करताना दिसली होती. मात्र आता पुन्हा एकदा श्रद्धा कपूर चर्चेत आली आहे.

श्रद्धा एका कार्यक्रमादरम्यान स्पॉट झाली होती. श्रद्धा कपूरचा फोटो काढण्यासाठी पापाराझी जोरात धावायला गेला तेवढ्यात त्याच्या कॅमेऱ्याची लेन्स तूटते. यानंतर श्रद्धाने केलेल्या कृतीने साऱ्यांची मनं जिंकली आहेत.श्रद्धा कपूर ही मुंबईतील एका नामांकित कार्यक्रमात सहभागी झाली होती. कार्यक्रम संपल्यानंतर तिनं पापाराझींशी मराठीतही संवाद साधला. अनेकदा ती पापाराझींशी मराठीतूनही बोलताना दिसते.

 

View this post on Instagram

 

A post shared by Viral Bhayani (@viralbhayani)

परंतु, पापाराझी जेव्हा श्रद्धाचा फोटो काढण्यासाठी धावतात तेव्हा त्यांच्या कॅमेऱ्याची लेन्स तूटते. तेवढ्यात हे श्रद्धा कपूर पाहते आणि त्याची जमिनीवर पडलेल्या कॅमेऱ्याची लेन्स ही उचलून त्याला परत देते. एवढेच काय तर त्यांना नवीन लेन्स आणून देईल असे सांगते आणि किती पैसे लागेल असे विचारते, त्यावेळी तो फोटोग्राफर तिला नको नको म्हणत असतो.त्यानंतर ती परत आपल्या गाडीत बसते आणि तिथून निघून जाते. परंतु यावेळी तिने दाखवलेल्या मोठेपणामुळे सर्वांनी तिचे कौतुक केले आहे.

दरम्यान, स्त्रीच्या सिक्वेलद्वारे लवकरच श्रद्धा कपूर प्रेक्षकांच्या भेटीस येणार आहे. या चित्रपटात श्रद्धासह राजकुमार राव, नोरा फतेही, अभिषेक बॅनर्जी अपारशक्ती खुराना, पंकज त्रिपाठी, क्रिती सेनॉन हे कलाकार देखील दिसणार आहेत.