Madhuri Elephant : जामनगर येथील वनतारा प्रकल्पातील हत्तीण माधुरी हिचे पुनर्वसन पूर्ववत सुरू ठेवावे, यासाठी पेटा इंडिया या संस्थेने सर्वोच्च न्यायालयात तातडीच्या हस्तक्षेपाची मागणी केली आहे. माधुरीला पुन्हा कोल्हापूरच्या मठात पाठवल्यामुळे तिला पुन्हा एकदा साखळदंडाने बांधून एकाकी ठेवण्यात आले आहे, असा गंभीर आरोप पेटा इंडियाने केला आहे. (Madhuri Elephant)

माधुरी हत्तीणीला ११-१२ सप्टेंबर रोजी कोल्हापूरच्या नांदणी मठात परत आणण्यात आले. तिथे पोहोचताच तिला फटाक्यांची आतषबाजी, गर्दीचा गदारोळ आणि हॉर्नच्या आवाजाचा सामना करावा लागला, तसेच तिला पुन्हा कैद्यासारखे साखळदंडाने बांधण्यात आले. (Madhuri Elephant)

वनतारा येथे माधुरीला कोणतीही बंधने नसलेले स्वतंत्र जीवन आणि शांती नावाच्या हत्तीणीची मैत्री मिळाली होती. मात्र, मठातील जुन्या शेडमध्ये तिला पुन्हा परत पाठवण्यात आल्याने ती पुन्हा एकाकी पडली आहे, असे पेटा इंडियाच्या धोरण विभागाच्या उपाध्यक्षा खुश्बू गुप्ता यांनी म्हटले आहे. (Madhuri Elephant)

मुंबई उच्च न्यायालय (१६ जुलै २०२५) आणि सर्वोच्च न्यायालयाच्या (२८ जुलै २०२५) आदेशानुसार माधुरीला जामनगर येथील वनताराच्या राधिका कृष्ण टेम्पल एलिफंट वेल्फेअर ट्रस्टमध्ये दीर्घकालीन पुनर्वसनासाठी पाठवण्यात आले होते. मठात तिची वापसी या आदेशांचे उल्लंघन करणारी आहे. (Madhuri Elephant)

सर्वोच्च न्यायालयाने नेमलेल्या उच्च-स्तरीय समितीच्या उपसमितीनेही मठाची पाहणी करून ती जागा माधुरीच्या दीर्घकालीन निगराणीसाठी योग्य नसल्याचे स्पष्ट केले होते. तरीही, ९ सप्टेंबर रोजी समितीने तिला मठात परतण्याची परवानगी दिली. (Madhuri Elephant)

मठात असताना रस्त्यांवर चालणे आणि कठीण पृष्ठभागावर उभे राहिल्यामुळे माधुरीला ऑस्टियोआर्थरायटिस, फ्रॅक्चर आणि पायांच्या जुनाट समस्या जडल्या होत्या. वनतारा येथे तिला विशेष वैद्यकीय उपचार आणि मोकळे वातावरण मिळाले होते, जिथे तिच्या तब्येतीत सुधारणा झाली होती. (Madhuri Elephant)

पेटा इंडियाने आरोप केला आहे की, राजकीय दबावामुळे आणि काही मोहिमांमुळे माधुरीला पुन्हा मठात पाठवण्यात आले आहे, ज्यामुळे तिच्या शारीरिक आणि मानसिक आरोग्याला मोठा धोका निर्माण झाला आहे. त्यामुळे तिच्या पुनर्वसनासाठी तातडीने पावले उचलत तिला पुन्हा वनतारात पाठवावे, अशी मागणी याचिकेद्वारे करण्यात आली आहे. (Madhuri Elephant)

Madhuri Elephant : नांदणी मठात परतणार ‘माधुरी’ हत्तीण; ४०९ दिवसांनंतर ‘वनतारा’तून सुटका