नवी दिल्ली- दिल्लीतील काही मंत्र्यांसह आम आदमी पार्टीच्या काही आमदारांनी सरकारी मालमत्तांमध्ये आपली वैयक्‍तिक कार्यालये थाटल्याचा आरोप भाजपने केला आहे. भाजपचे दिल्लीचे अध्यक्ष आदेश गुप्ता यांचे कार्यालय सरकारी जमिनीवर असल्याचा आरोप “आप’ने केला होता. त्यानंतर भाजपनेही “आप’ंवर तसाच आरोप केला आहे.

उपमुख्यमंत्री मनीष सिसोदियांचे कार्यालय बीएसईएसच्या जमिनीवर तर आरोग्य मंत्री सत्येंद्र जैन आणि दिल्ली जल बोर्डाचे उपाध्यक्ष राघव चढ्ढा यांचे कार्यालयही सरकारी जमिनीवर होते. जर्नेल सिंग, रोहित कुमार मेहरौलिया, मुकेश गोयल, मदनलाल, राजेश ऋषी आणि महेंद्र गोयल यांची कार्यालये डीजेबीच्या जमिनीवर असल्याचा आरोप भाजपने केला आहे.