मुंबई – साऊथ इंडस्ट्रीचा आगामी चित्रपट ‘गॉड फादर’चा ट्रेलर प्रदर्शित झाल्यापासून लोकांमध्ये प्रचंड उत्साहाचे वातावरण आहे. हा चित्रपट ५ ऑक्टोबरला म्हणजेच दसऱ्याच्या दिवशी प्रदर्शित होणार आहे. सगळ्यांना माहीत आहे की, या चित्रपटात सलमान खान एक कॅमिओ करत आहे. पण, अलीकडेच अभिनेत्याने साऊथ इंडस्ट्रीत काम करण्याची इच्छा व्यक्त केली आहे. यासोबतच हॉलिवूड इंडस्ट्रीकडे वाटचाल करणाऱ्या कलाकारांनाही त्याने टोला लगावला आहे. गॉडफादर ट्रेलर लॉन्च कार्यक्रमादरम्यान सलमानने सांगितले की, त्याला साऊथचे चित्रपट करण्यात किती रस आहे. तिथल्या चाहत्यांना त्याला हिंदी सिनेमांकडे वळवायचं आहे. अभिनेत्याचे मत आहे की भाषा भिन्न आहेत परंतु सिनेमा एक आहे. ट्रेलर लॉन्च कार्यक्रमादरम्यान सलमान म्हणाला, लोकांना हॉलीवूडला जायचं आहे, मला साऊथला जायचं आहे. गोष्ट अशी आहे की आपण सगळे मिळून काम करू लागलो तर किती लोक आपल्या जवळ येतील याची कल्पना करा. प्रत्येकाकडे सिनेमा हॉल आहेत. लोक नॉर्थ आणि साऊथ देखील पाहतील. माझे चाहते चिरंजीवीचे चाहते होतील आणि त्यांचे चाहते माझे फॅन्स होतील. मग 300-400 कोटींच्या गोष्टी कॉमन होतील. आणि 3 हजार 4 हजारांचा आकडा पार करू. चिरंजीवीचा गॉडफादर हा तेलगू चित्रपट हिंदीतही प्रदर्शित होणार आहे. या चित्रपटात सलमान खानशिवाय नयनतारा आणि सत्य देव यांच्याही महत्त्वाच्या भूमिका आहेत. चित्रपटाचे जबरदस्त प्रमोशन पाहता हा चित्रपट बॉक्स ऑफिसवर धमाल करेल अशी अपेक्षा आहे.
