Ozar News : पुणे जिल्हा शिक्षण मंडळाच्या न्यू इंग्लिश स्कूल, शिरोली बुद्रुक या विद्यालयाची नुकतीच शैक्षणिक सहल काढण्यात आली. यामध्ये प्रामुख्याने एकतानगर येथील स्टॅच्यू ऑफ युनिटी, साबरमती आश्रम, अक्षरधाम मंदिर, सायन्स सिटी, इस्रो सेंटर या सर्व ठिकाणी नेण्यात आली. (Ozar News)

यामध्ये 50 विद्यार्थ्यांची निवड करण्यात आली. ही सहल विद्यार्थ्यांच्या वैज्ञानिक दृष्टिकोन व शैक्षणिक अभ्यासाच्या दृष्टीने अतिशय महत्त्वपूर्ण ठरली असे विद्यालयाचे प्रभारी मुख्याध्यापक संतोष देवकुळे व पर्यवेक्षक राजकुमार गंभीर यांनी सांगितले. (Ozar News)

विद्यालयाचे सहल विभाग प्रमुख सुनील वीरनक, रामचंद्र अय्यर, शोभा कवडे, प्रियंका पादिर, रंजना मुंडे या सर्वांनी सहलीमध्ये सहभागी होऊन विद्यार्थ्यांना सर्वतोपरी मार्गदर्शन व सहकार्य व नियोजन केले. (Ozar News)

विद्यार्थ्यांना देखील परराज्यात जाऊन शैक्षणिक सहल यामधे सहभागी होण्याचा प्रथम मान व आनंद मिळाला याकरिता महाराष्ट्र राज्य परिवहन मंडळ यांचे वतीने नारायणगाव डेपो यांनी अतिशय सुंदर अशी जिजाऊ बस दिली व सर्वतोपरी सहकार्य केले त्यामुळे सहल निर्विघ्न पार पडली. (Ozar News)

विद्यार्थ्यांमध्ये अतिशय आनंदाचे वातावरण होते. विद्यार्थ्यांनी संपूर्ण सहलीचा खूप आनंद घेतला व अभ्यासही केला व विद्यार्थ्यांनी प्रतिक्रिया देताना अशा सहली ज्याचा उपयोग त्यांच्या शैक्षणिक सुधारणा व अभ्यासासाठी होतो अशा सहली विद्यालयात नेहमी काढण्यात याव्यात अशी अपेक्षा देखील व्यक्त केली. (Ozar News)

या कामी शाळा व्यवस्थापन समितीचे अध्यक्ष निलेश थोरवे गावचे सरपंच प्रदीप थोरवे, पोलिस पाटील अमोल थोरवे ,शाळा व्यवस्थापन समितीचे सर्व सदस्य ग्रामपंचायत सदस्य तसेच शिरोली बुद्रुक गावचे सुपुत्र अप्पर जिल्हाधिकारी सुनील थोरवे , डॉक्टर नितीन थोरवे आणि विघ्नहर सहकारी साखर कारखान्याचे चेअरमन सत्यशील शेरकर या सर्वांनी समाधान व्यक्त केले. (Ozar News)

Ozar News : श्री विघ्नहरच्या ४१ व्या गळीत हंगामाचा शुभारंभ उत्साहात संपन्न