Gopichand Padalkar : आमदार गोपीचंद पडळकर यांनी सांगली जिल्ह्यातील विवाहिता ऋतुजा राजगे यांच्यावर धर्मांतराचा दबाव असल्याने त्यांनी आत्महत्या केल्याचा दावा पडळकर यांनी केला आहे. या घटनेचा निषेध म्हणून दोन दिवसांपूर्वी पुण्यात मोर्चाचे आयोजन करण्यात आले होते.

या मोर्चातील भाषणात पडळकरांनी एक धक्कादायक विधान केल्याने मोठी खळबळ उडाली आहे. या मोर्चाला संबोधित करताना पडळरांनी फर्ग्यूसन कॅालेज रोडवरील स्ट्रीट शॅापिंग मार्केटमध्ये लव्ह जिहादसारखे  प्रकार सुरू असल्याचा खळबळजक आरोप केला होता. त्यांनी केलेला दावा येथील व्यापाऱ्यांनी फेटाळून असून असे कोणताच प्रकार होत नसल्याचे म्हटले आहे.

जर असे काही प्रकार घडत असतील तर त्यांनी निदर्शनास आणवे आम्ही नक्कीच खबरदारी घेऊ, असे देखील एफसी रोड व्यापारी संघटनेचे अध्यक्ष शाम मारणे यांनी सांगितले. मात्र, गोपीचंद पडळकरांनी केलेल्या दाव्यामुळे पुणे शहरात मोठी खळबळ उडाली आहे. एफसी रोड व्यापारी संघटनेचे अध्यक्ष शाम मारणे यांनी पडळकरांनी केलेले आरोप फेटाळून लावले आहेत.

असे कोणतेही प्रकार घडल्याचे आमच्या निदर्शनास आलेले नाही. आम्ही  जर कोणती व्यक्ती मुलींना आमिष दाखवून फसवत असतील, तर तो प्रकार निंदनीय आहे. मात्र अशा कोणत्याही घटना आमच्या माहितीप्रमाणे घडलेल्या नाहीत. तसा प्रकार घडत असेल तर त्यांनी (पडळकरांनी) तो थेट आमच्या निदर्शनास आणावा. आम्ही नक्कीच खबरदारी घेऊ, असे मारणे म्हणाले आहेत.

पडळकर काय म्हणाले होते? 

पुण्यातील एफसी रोडवर लव्ह जिहादचा पॅटर्न सुरू असल्याचे भाजप आमदार गोपीचंद पडळकर म्हणाले होते. “काही मुलांनी मला सांगितलं की एफसी रोडला एक मुलींच्या कपड्याच्या दुकानाच्या माध्यमातून लव्ह जिहादचा प्रकार सुरू आहे. इतर ठिकाणी जो ड्रेस चारशे रुपयाला मिळतो तो ड्रेस त्या दुकानांमध्ये दोनशे रुपयाला मिळतो. त्यामुळे स्वस्त असल्याने आपल्या सगळ्या मुली त्याच दुकानांमध्येच खरेदी करायला जातात. शंभर मुली झाल्या की त्यांना टार्गेट केलं जातं. त्यांचे मोबईल नंबर मिळवले जातात. मोबाईल नंबरच्या माध्यमातून त्यातील चार-पाच मुलींना लवह जिहादच्या बळी पाडलं जातं,” असा दावा आमदार गोपीचंद पडळकर यांनी कार्यक्रमातील भाषणातून केला होता.

हेही वाचा : Shambhuraj Desai Vs Anil Parab : ‘तू बूट चाटत होतास, बाहेर ये तुला दाखवतो!’ शंभूराज देसाई अन् अनिल परब यांच्यात विधान परिषदेत खडाजंगी