जॉन अब्राहमचा बहुप्रतिक्षित ‘डिप्लोमॅट’ हा चित्रपट लवकरच प्रदर्शित होणार आहे. अभिनेता जॅान अब्राहम या चित्रपटाचे जोरदार प्रमोशन करताना दिसत आहे. या प्रमोशन दरम्यान जॉनने शाहरुख खानच्या ‘पठाण’च्या प्रीक्वलबद्दल मोठी अपडेट दिली आहे. या चित्रपटाच्या प्रीक्वल बनवला तर कथा काय असेल? याविषयी जॅानने आपली इच्छा व्यक्त केली आहे. सध्या जॉन त्याच्या ‘डिप्लोमॅट’ चित्रपटामुळे चर्चेत आहे. या चित्रपटात जॉनने खऱ्या मुत्सद्दी जेपी सिंगची भूमिका साकारली आहे. चित्रपटाची कथा पाकिस्तानात अडकलेल्या एका भारतीय मुलीला सुखरूप मायदेशी आणण्याची आहे. तसेच निर्माता आदित्य चोप्राने ‘पठाण’ चित्रपटाचा प्रीक्वल बनवावा अशी जॅानने इच्छा डिप्लोमॅट चित्रपटाच्या प्रमोशन दरम्यान व्यक्त केली आहे. हॉलिवूड रिपोर्टरला दिलेल्या मुलाखतीत, अभिनेता जॉन अब्राहम म्हणतो, ‘मी फ्रँचायझी चित्रपटाचा तेव्हाच भाग बनतो जेव्हा त्यातील माझी भूमिका खास असते. ‘पठाण’ चित्रपटातील माझी जिमची भूमिका खूपच मस्त आणि खास होती. आदित्य चोप्राने नक्कीच पठाणचा प्रीक्वल बनवला पाहिजे. यामध्ये माझ्या व्यक्तिरेखेतील जिमच्या पूर्वाआयुष्याची गोष्ट दाखवता येईल, असे म्हटले आहे. आम्ही या चित्रपटाचा प्रीक्वल करू, असे जॅान म्हटला आहे. यामुळे पठाणच्या प्रीक्वलमध्ये जिमच्या पूर्वाआयुष्याची गोष्ट दाखवली जाणार का याविषयी चर्चा केली जात आहे. आगामी प्रोजेक्टची उत्सुकता शाहरुख खानच्या ‘पठाण’ चित्रपटात जॉन अब्राहम खलनायकाच्या भूमिकेत होता. या व्यक्तिरेखेत अनेक लेयर पाहायला मिळाले. हे पात्र शाहरुखच्या पठाणच्या पात्राला चांगलीच स्पर्धा देते. या चित्रपटात दीपिका पदुकोणही महत्त्वाच्या भूमिकेत दिसली होती. डिप्लोमॅट चित्रपटा व्यतिरिक्त जॉन अब्राहम आणखी काही चित्रपटांमध्ये काम करत आहे. त्यात ‘तेहरान’ आणि ‘तारिक’ सारख्या चित्रपटांचाही समावेश आहे. जॉनने चित्रपटांशी निर्माता म्हणूनही जबाबादारी स्विकारली आहे.
