कोयनानगर – राज्याचे पर्यटन मंत्री तथा जिल्ह्याचे पालकमंत्री शंभूराज देसाई यांच्या पाठपुराव्यामुळे पाटण तालुक्यातील महत्त्वाच्या विकासकामांसाठी तब्बल 34 कोटी 55 हजार रुपयांचा निधी मंजूर झाला आहे. या निधीतून रस्ते, साकव, पाणीपुरवठा, वस्ती सुधारणा, शैक्षणिक सुविधा आणि इतर बांधकामे होणार आहेत. पाटण तालुक्यातील अनेक पाड्यांना जोडणारे रस्ते व पूल मजबूत करण्यात येणार आहेत. पाणीटंचाई जाणवणार्या वस्त्यांसाठी पाणीपुरवठ्याचे काम हाती घेतले जाणार आहे. गावोगावच्या मूलभूत सोयीसुविधांमध्ये भर पडणार आहे. शैक्षणिक बांधकामे, अंगणवाडी इमारती, सामुदायिक केंद्रे आणि सार्वजनिक उपयोगाच्या इतर सुविधाही होणार आहेत. या निधीसाठी पालकमंत्री शंभूराज देसाई यांनी गेल्या काही महिन्यांपासून मंत्रालयात पाठपुरावा केला होता. तालुक्याची भौगोलिक स्थिती आणि गरजांनुसार कामांचे प्राधान्यक्रम निश्चि करून, प्रस्ताव पाठवण्यात आले होते. या सर्व प्रस्तावांना मान्यता मिळाली आहे. या निधीतून कोयनानगर, पाटण, किल्ले वासोटा परिसर, दर्याखोर्यांमधील वस्त्यांमध्ये दळणवळणाच्या सुविधा होणार आहेत. गेल्या काही वर्षांपासून रखडलेली कामे या निधीमुळे पूर्णत्वाला जाणार आहे. या निर्णयाचे नागरिकांनी स्वागत केले आहे.
