Paris Olympics 2024 :- पॅरिस ऑलिम्पिकची उलटी गिनती सुरू झाली असून बॅडमिंटन स्पर्धेसाठी गट निश्चित करण्यात आले आहेत, ज्यामध्ये दोन वेळा ऑलिम्पिक पदक विजेते पी.व्ही. सिंधू आणि एच.एस. प्रणॉय यांना सुलभ गटात स्थान मिळाले आहे. रिओ ऑलिम्पिकमध्ये रौप्यपदक आणि त्यानंतर टोकियो ऑलिम्पिकमध्ये कांस्यपदक जिंकणाऱ्या सिंधूला दहावे मानांकन मिळाले आहे. ऑलिम्पिकमधील बॅडमिंटन स्पर्धा २७ जुलैपासून सुरू होणार आहेत.

जागतिक क्रमवारीत 13व्या स्थानावर असलेल्या सिंधूला महिला एकेरीच्या ‘एम’ गटात एस्टोनियाच्या क्रिस्टिन कुउबा (जागतिक रँकिंग 75) आणि मालदीवच्या फातिमाथ नबाहा अब्दुल रज्जाक (जागतिक रँकिंग 111) सोबत स्थान देण्यात आले आहे. सलग तिसऱ्या ऑलिम्पिकमध्ये पदकासाठी आव्हान देण्याच्या तयारीत असलेल्या सिंधूला प्री-क्वार्टर फायनलमध्ये सहाव्या मानांकित हे बिंग झियाओचे आव्हान असू शकते.

प्रणयला तेरावे मिळाले प्राधान्य 

ऑलिम्पिकमध्ये पदार्पण करणाऱ्या प्रणॉयला 13वे मानांकन देण्यात आले आहे. त्याला व्हिएतनामच्या ले डक फाट (जागतिक रँकिंग 70) आणि जर्मनीच्या फॅबियन रॉथ (जागतिक रँकिंग 82) सोबत पुरुष एकेरीच्या ‘क’ गटात स्थान देण्यात आले आहे. जागतिक क्रमवारीत 19व्या स्थानावर असलेल्या लक्ष्य सेनचा ‘ल’ गटात समावेश करण्यात आला आहे. इंडोनेशियाचा तिसरा मानांकित जोनाथन क्रिस्टी याशिवाय, केविन कॉर्डन (जागतिक रँकिंग 41) आणि बेल्जियमचा ज्युलियन कारागी (जागतिक रँकिंग 52) हे बिगरमानांकित लक्ष्य गटात आहेत. प्रणॉय आणि लक्ष्य त्यांच्या गटात अव्वल ठरले तर ते उपांत्यपूर्व फेरीत आमनेसामने येवू शकतात.

तनिषा-अश्विनीला अवघड गट

जागतिक क्रमवारीत 19व्या क्रमांकावर असलेल्या तनिषा क्रास्टो आणि अश्विनी पोनप्पा या भारतीय जोडीला महिला दुहेरीत ‘क’ गटात अवघड स्थान मिळाले आहे. या गटात जपानच्या नामी मात्सुयामा आणि चिहारू शिदा या जागतिक क्रमवारीतील चौथ्या जोडीशिवाय टोकियो ऑलिम्पिक कांस्यपदक विजेते दक्षिण कोरियाच्या किम सो येओंग आणि कोंग ही योंग (जागतिक क्रमवारी सात) आणि ऑस्ट्रेलियाच्या सेत्याना मापासा आणि अँजेला यू यांचा समावेश आहे.

Paris Olympics 2024 : ऑलिम्पिकमध्ये दिसणार ‘आजीबाई’, वयाच्या 58व्या वर्षी ‘ही’ खेळाडू करणार पदार्पण…

पुरुष दुहेरीचा ड्रॉ अद्याप बाकी

सात्विकसाईराज रँकीरेड्डी आणि चिराग शेट्टी ही स्टार भारतीय पुरुष जोडी पदकाची दावेदार मानली जात आहे. या जोडीला पुरुष दुहेरीत तिसरे मानांकन देण्यात आले आहे. पॅरिस ऑलिम्पिकसाठी पुरुष दुहेरीचा ड्रॉ पुढे ढकलण्यात आला आहे, कारण कोर्ट ऑफ आर्बिट्रेशन फॉर स्पोर्ट ने(कॅस) जोड्यांच्या संख्येवर सुनावणी केली. बॅडमिंटन वर्ल्ड फेडरेशनने (बीडब्ल्‍यूएफ) अद्याप ड्रॉच्या तारखेची पुष्टी केलेली नाही.