Paris Olympics 2024 : पॅरिस ऑलिम्पिक 2024 मध्ये यावेळी भारताकडून सहभागी झालेल्या 117 खेळाडूंपैकी कोणीही सुवर्णपदक जिंकण्यात यशस्वी होऊ शकला नाही, परंतु इतर देशांतील काही खेळाडू (अ‍ॅथलीट) असे आहेत ज्यांनी एकापेक्षा जास्त वैयक्तिक स्पर्धांमध्ये सुवर्णपदक जिंकले आहेत.
या वेळी फ्रान्सची राजधानी पॅरिस येथे उन्हाळी ऑलिम्पिक खेळांचे आयोजन करण्यात आले होते, ज्यामध्ये अमेरिका आणि चीन व्यतिरिक्त ऑस्ट्रेलियाचे खेळाडू सुवर्णपदक जिंकण्यात आघाडीवर होते. सर्वाधिक वैयक्तिक सुवर्णपदके जिंकण्याच्या बाबतीत, फ्रेंच ॲथलीट लिओन मार्चंडने वैयक्तिक जलतरण स्पर्धेत एकूण 4 सुवर्णपदके जिंकली.
पॅरिस ऑलिम्पिक 2024 : ‘या’ खेळाडूंनी जिंकली सर्वाधिक वैयक्तिक सुवर्णपदके…
यंदाच्या ऑलिम्पिकमध्ये फ्रेंच जलतरणपटू लिओन मार्चंड याने चार वेगवेगळ्या स्पर्धांमध्ये सर्वाधिक सुवर्णपदके जिंकली आहेत. 22 वर्षीय लिओन मार्चंडची तुलना अमेरिकेच्या महान जलतरणपटू मायकेल फेल्प्सशी केली जाते आणि त्याने यावेळी ऑलिम्पिकमध्ये ते सिद्ध केले. लिओन मार्चंडने अवघ्या 2 तासांच्या कालावधीत 2 सुवर्णपदके जिंकली.
याशिवाय दुसऱ्या क्रमांकावर असलेले अनेक खेळाडू आहेत ज्यांनी वैयक्तिक स्पर्धांमध्ये 3-3 सुवर्णपदके जिंकली आहेत. यामध्ये अमेरिकेच्या टोरी हस्के, सिमोन बायल्स आणि गॅबी थॉमस, ऑस्ट्रेलियाच्या मॉली ओ’कॅलाघन यांचा समावेश आहे. एकाच ऑलिम्पिकमध्ये सर्वाधिक वैयक्तिक सुवर्णपदके जिंकण्याचा विक्रम अमेरिकेच्या मायकेल फेल्प्सच्या नावावर आहे, ज्याने बीजिंग 2008 च्या ऑलिम्पिकमध्ये एकूण 8 वैयक्तिक सुवर्णपदके जिंकली होती.
एका ऑलिम्पिकमध्ये सर्वाधिक पदके जिंकणारे खेळाडू…
एका ऑलिम्पिकमध्ये सर्वाधिक पदके जिंकण्याचा विक्रम दोन खेळाडूंच्या नावावर आहे, त्यापैकी पहिला रशियन जिम्नॅस्ट ॲथलीट अलेक्झांडर डिटियाटिन आहे, ज्याने 1980 च्या ऑलिम्पिकमध्ये 8 पदके जिंकली होती, ज्यामध्ये तीन सुवर्ण, एक रौप्य आणि चार कांस्य पदकांचा समावेश होता. यानंतर अमेरिकेच्या मायकेल फेल्प्सने हा पराक्रम दोनदा केला ज्यामध्ये त्याने 2004 अथेन्स ऑलिम्पिकमध्ये 6 सुवर्ण आणि 2 कांस्य पदके जिंकली, तर बीजिंग ऑलिम्पिकमध्ये 8 सुवर्णपदके जिंकली होती.
