Paralympic Games Paris 2024: उन्हाळी ऑलिम्पिकनंतर फ्रान्सची राजधानी पॅरिसमध्ये पुन्हा एकदा खेळाडूंचा मेळावा होणार आहे. पॅरालिम्पिक गेम्ससाठी जगभरातून पॅरा ॲथलीट येथे पोहोचतील. पॅरिस पॅरालिम्पिक स्पर्धा 28 ऑगस्ट ते 8 ऑगस्ट दरम्यान होणार आहेत. या स्पर्धेतील 22 खेळांमध्ये 4400 खेळाडू सहभागी होणार आहेत. या स्पर्धेत एकूण 549 पदके असतील, त्यापैकी 236 पदके महिलांसाठी असतील.

पॅरिस पॅरालिम्पिकमध्ये सहभागी होण्यासाठी भारतीय नेमबाजी संघ पॅरिसला रवाना झाला आहे. रायफल नेमबाज अवनी लेखरा, मोना अग्रवाल आणि पिस्तुल नेमबाज मनीष नरवाल यांच्यासह 10 सदस्यीय नेमबाजी संघ पॅरिसजवळील शेटराउ येथे 30 ऑगस्टपासून होणाऱ्या नेमबाजी स्पर्धेत भाग घेणार आहे. आगामी पॅरिस गेम्समध्ये टोकियो पॅरालिम्पिकमध्ये भारतीय नेमबाजी संघ पदकतालिकेत बाजी मारेल, असा विश्वास व्यक्त करून नरवाल यांनी शनिवारी सांगितले की, कठोर सरावानंतर संघ चांगल्या स्थितीत आहे.

टोकियो पॅरालिम्पिकमध्ये भारताने दोन सुवर्ण, एक रौप्य आणि दोन कांस्यपदके जिंकली होती. टोकियोमध्ये ५० मीटर पिस्तूल (SH1) मध्ये सुवर्णपदक जिंकणाऱ्या नरवालने संघ रवाना होण्यापूर्वी सांगितले की, आमची तयारी चांगली आहे आणि आम्ही पॅरिसमध्ये आमची सर्वोत्तम कामगिरी करण्यासाठी उत्सुक आहोत. आमची मागील कामगिरी मागे टाकून आणखी पदके मिळवण्याचे आमचे ध्येय आहे.

Exclusive 📸

Our 1️⃣0️⃣-athlete strong 🇮🇳#ParaShooting 🔫 team assembled at the IGI Airport, Delhi ✈️ today prior to heading for the 🇫🇷#ParisParalympics2024

Part of the team are Tokyo 2020 gold medalists Avani Lekhara and Manish Narwal!

Extend your best 🙌🏻wishes to our Para… pic.twitter.com/oIRDpfS8GW

— SAI Media (@Media_SAI) August 24, 2024

अवनीकडून भारताला आशा –

नरवाल पॅरिस गेम्समध्ये 10 मीटर एअर पिस्तूलमध्ये भाग घेणार आहे. नरवाल, अवनी आणि मोना व्यतिरिक्त, टीमचे इतर सदस्य अमीर अहमद भट, रुद्रांश खंडेलवाल, रुबिना फ्रान्सिस, स्वरूप उनहालकर, सिद्धार्थ बाबू, श्रीहर्ष देवराडी आणि निहाल सिंग आहेत.

या खेळांमध्ये भारताला पदकाच्या सर्वाधिक आशा अवनीकडून असतील. जी गेल्या गेम्समध्ये दोन पदके जिंकणारी भारताची पहिली महिला नेमबाज ठरली होती. जयपूरच्या या नेमबाजाने टोकियो पॅरालिम्पिकमध्ये 10 मीटर एअर रायफल आणि 50 मीटर रायफल थ्री पोझिशन (SH1) मध्ये सुवर्णपदक जिंकले होते. भारतीय पॅरालिम्पिक समितीला या खेळांमधून 25 हून अधिक पदकांची अपेक्षा आहे. भारताच्या एकूण कामगिरीत नेमबाजीचा मोठा वाटा असेल.