Pakistani Fan Sings Indian National Anthem Dubai Stadium Womens Asia Cup 2026 Ind vs Pak : संयुक्त अरब अमिरातीमध्ये शनिवारी महिला आशिया चषक २०२६ (Women’s Asia Cup 2026) स्पर्धेत भारत विरुद्ध पाकिस्तान असा हायव्होल्टेज सामना खेळला गेला. मैदानावर दोन्ही संघांमध्ये चुरशीची लढत रंगलेली असतानाच, प्रेक्षागृहात मात्र सीमांपलीकडच्या क्रीडा भावनेचे एक अत्यंत विलोभनीय आणि हृदयस्पर्शी दृश्य पाहायला मिळाले. अंगात पाकिस्तानची जर्सी घातलेल्या एका कट्टर पाकिस्तानी चाहत्याने भारताचे राष्ट्रगीत ‘जन गण मन’ पूर्ण आदराने आणि उत्साहाने गायले. या अनोख्या क्षणाचा व्हिडीओ सोशल मीडियावर तुफान व्हायरल होत आहे.

पाकिस्तानची जर्सी घालून अभिमानाने म्हटले ‘जन गण मन’!  (Pakistani Fan Anthem)

सामन्याच्या सुरुवातीला जेव्हा दोन्ही देशांचे राष्ट्रगीत वाजवले जात होते, तेव्हा ही घटना घडली. पाकिस्तानची हिरवी जर्सी परिधान केलेले प्रसिद्ध पाकिस्तानी क्रिकेट चाहता अरशद मोहम्मद हनीफ हा आपल्या सहकाऱ्यांसह स्टँड्समध्ये उभा होता. भारताचे राष्ट्रगीत सुरू होताच अरशद शांत न राहता भारतीय प्रेक्षकांसोबत खांद्याला खांदा लावून पूर्ण आदराने ‘जन गण मन’चा प्रत्येक शब्द गुणगुणताना आणि गाताना दिसला.

व्हिडिओला लाखो व्ह्यूज; भारत-पाक चाहत्यांकडून कौतुकाचा वर्षाव!  (Pakistani Fan Anthem)

 

View this post on Instagram

 

अरशदच्या शेजारी उभ्या असलेल्या चाहत्यांनी हा अप्रतिम क्षण मोबाईल कॅमेऱ्यात कैद केला. काही तासांतच हा व्हिडीओ इन्स्टाग्राम आणि ‘एक्स’वर वाऱ्यासारखा पसरला असून त्याला लाखो व्ह्यूज मिळाले आहेत. दोन्ही देशांतील नेटकरी अरशदच्या या खिलाडूवृत्तीचे आणि आदराचे तोंडभरून कौतुक करत आहेत. यापूर्वीही महिला विश्वचषकाच्या अंतिम सामन्यात भारतीय महिला संघाला पाठिंबा देताना अरशदचा व्हिडीओ चांगलाच व्हायरल झाला होता.

हेही वाचा – Tilak Sledging Vaibhav : सिराजची धुलाई केल्याने संतापला तिलक वर्मा! १५ वर्षीय वैभव सूर्यवंशीला लागला डिवचू, VIDEO होतोय व्हायरल

मैदानावर भारताचे निर्विवाद वर्चस्व; पाकिस्तानचा ७ विकेट्सने पराभव!  (Pakistani Fan Anthem)

 

View this post on Instagram

 

स्टँड्समधील या बंधुभावाच्या पलीकडे मैदानावर मात्र भारताचा एकतर्फी दबदबा पाहायला मिळाला. भारतीय फिरकीपटूंच्या भेदक माऱ्यासमोर पाकिस्तानचा संपूर्ण संघ अवघ्या ५५ धावांवर गारद झाला, जो त्यांचा टी-२० मधील सर्वात निचांकी स्कोअर ठरला. भारताने अवघ्या ८.४ षटकांत ३ विकेट्स गमावून हे आव्हान सहज पार केले आणि ७ विकेट्सने दणदणीत विजय मिळवला. मात्र, निकालापलीकडे अरशद हनीफच्या या कृतीने दुबईत लाखो क्रिकेटप्रेमींची मने जिंकली. (Pakistani Fan Anthem)