Opposition Leader। राज्यात विधानसभा निवडणुका पार पडल्या, मोठ्या संख्येने महायुतीने राज्यात पुन्हा सरकार स्थापन झाले. राज्याच्या मुख्यमंत्रीपदी, उपमुख्यमंत्रीपदाचा शपथविधी सोहळा देखील पार पडला. मंत्रिमंडळ विस्तार होऊन खातेवाटप जाहीर झाले. सत्ताधारी पक्षाकडून सगळया घडामोडी घडत असताना राज्यात विरोधीपक्ष नेताच सभागृहाला मिळाला नाही. राज्याच्या विरोधी पक्षनेत्याची खुर्ची रिकामीच आहे. दरम्यान, या पदाच्या निवडीसाठी महाविकास आघाडीकडून नवीन फॉर्म्युला समोर आला असल्याचे सांगण्यात येत आहे.

समोर आलेली माहितीनुसार,”राज्यात विरोधी पक्ष नेतेपदाचा वेगळा प्रयोग होण्याची शक्यता वर्तवली जात आहे. विरोधी पक्ष नेतेपदी कोणाची वर्णी लागणार यापेक्षा जास्त ते पद महाविकास आघाडीमध्ये कोणाकडे जाणार यावरच मोठ्या प्रमाणात चर्चा सुरु होत्या. त्यातच  आता महाविकास आघाडीतील तीन पक्षांसाठी दिड-दिड वर्ष विरोधी पक्ष नेत्याचा फॉर्म्युला ठरवण्यात येणार असल्याची महत्वाची माहिती समोर येत आहे. दीड वर्षाच्या विरोधी पक्ष नेत्याच्या फॉर्म्युल्यावर राष्ट्रवादी काँग्रेसचे प्रमुख शरद पवार यांनी आपली सहमती दर्शवली आहे.

विरोधी पक्ष नेतेपदासाठी मविआकडून नवा प्रयोग? Opposition Leader। 
महायुतीतील तीन पक्षांसाठी दिड-दिड वर्ष विरोधी पक्ष नेत्याचा फॉर्म्युला तयार करण्यात येणार असल्याच्या चर्चा सध्या सुरु आहेत. दिड वर्ष विरोधी पक्ष नेता फॉर्म्युल्याकरता शरद पवार आग्रही आहेत. पण संख्याबळानुसार विधानपरिषदेत काँग्रेसचा आणि विधानसभेत ठाकरेंचा विरोधी पक्ष नेता असावा याकरता काँग्रेस आग्रही असल्याची माहिती समोर येत आहे.  येत्या अर्थसंकल्प अधिवेशनाच्या दरम्यान तिन्ही पक्षांचे वरिष्ठ नेते दिल्लीत भेटणार आहेत. दिल्लीतून विरोधी पक्ष नेते पदाचा निर्णय येत्या अर्थसंकल्प अधिवेशनाच्या दरम्यान होणार असल्याची माहिती देण्यात येत आहे.

मविआला 50 जागाही मिळवता आल्या नाहीत 
महाविकास आघाडीला विधानसभा निवडणुकीमध्ये 50 जागांचा आकडाही पार करता आला नाही. काँग्रेस 16, उद्धव ठाकरेंना 20 तर, शरद पवारांच्या पक्षाला 10 जागांवर विजय मिळाला आहे.तर दुसरीकडे राज्यात भाजपने 2024 मध्ये सर्वात जास्त जागा मिळवल्या आहेत. भाजपने 132 जागांवर विजय मिळवला आहे. त्याचबरोबर, शिंदेसेनेला 57 जागा आणि अजित पवारांच्या पक्षाला 41 जागांवर विजय मिळवला आहे.

विरोधी पक्षनेतेपदासाठी नियम काय? Opposition Leader। 
विरोधी पक्षनेतेपदासाठी एका पक्षाकडे सभागृहाच्या सदस्यसंख्येच्या 10 टक्के आमदार असणे आवश्यक आहे. महाराष्ट्रात विधानसभा सदस्यांची एकूण संख्या 288 आहे. त्यामुळे राज्यात विरोधी पक्षनेता ठरवण्यासाठी कोणत्याही एका पक्षाकडे किमान 29 आमदारांचे  संख्याबळ आवश्यक आहे. विरोधी बाकावरच्या महाविकास आघाडीतील पक्षांपैकी ठाकरेंच्या शिवसेनेकडे 20 काँग्रेसकडे 15, तर पवारांच्या राष्ट्रवादीकडे 10 आमदार आहेत, आता हे अपुरं संख्याबळ पाहता. नियमानुसार विरोधी पक्षनेतेपद कोणत्याही एका पक्षाला मिळणार नाही, अशी चर्चा होती.