अमृतसर  – पंजाबमध्ये अग्निशमन विभागात केवळ पुरुषच नाही तर महिलाही सेवा देतील. पंजाबमध्ये अग्निशमन विभागात महिलांची भरती होणार आहे. पंजाब हे देशातील पहिले राज्य असेल, जिथे अग्निशमन दलात महिलांची भरती केली जाईल.

पंजाबचे मुख्यमंत्री भगवंत सिंह मान यांनी शनिवारी बर्नाला येथे आयोजित रक्षाबंधन कार्यक्रमात ही घोषणा केली. सीएम मान म्हणाले की ते तीन महिन्यांपूर्वी डेराबस्सी येथे एका कार्यक्रमात गेले होते, जिथे दोन बहिणींनी त्यांना त्यांची परीक्षा सांगितली.

दोन्ही मुलींनी अग्निशमन दलाच्या परीक्षेत उत्तीर्ण झाल्याचं सांगितलं, पण शारीरिक चाचणीत त्या नापास झाल्या. जुन्या नियमांनुसार दोन्ही मुलींना 60 किलो वजनाची सॅक बाळगण्यास सांगितले होते. तर याच भरतीमध्ये पुरुष व महिला वर्गासाठी सर्वसाधारण शारीरिक चाचणी घेण्यात आली.

घोषणा करताना सीएम मान म्हणाले की, पंजाब विधानसभेचे पावसाळी अधिवेशन 2 ते 4 सप्टेंबर दरम्यान बोलावण्यात आले आहे. या विधानसभेच्या अधिवेशनात अग्निशमन दलाच्या भरतीमध्ये महिला आणि पुरुषांच्या शारीरिक चाचणीबाबत सरकारने केलेले जुने नियम आणि कायदे विभाग रद्द केला जाईल.

सीएम मान म्हणाले की, लवकरच नवीन नियम बनवून पंजाब हे देशातील पहिले राज्य असेल जिथे अग्निशमन दलात महिलांची भरती केली जाईल.