रायपूर – कॉंग्रेस सरचिटणीस प्रियंका गांधी वड्रा यांनी रविवारी पक्षाच्या 85 व्या महाअधिवेशनात सांगितले की, लोकसभा निवडणुकीच्या पार्श्‍वभूमीवर भारतीय जनता पक्षाला विरोध करणाऱ्या सर्व पक्षांसोबत एकजुटीने लढण्याची जनतेची अपेक्षा आहे, परंतु लोकांना सर्वाधिक आशा कॉंग्रेसकडून आहे. प्रियंका यांनी कॉंग्रेस संघटन मजबूत करण्यासाठी सर्वांनी एकत्र काम करण्याचे आवाहन केले. संघटनेने केवळ कागदोपत्री काम करू नये, तर ते वास्तवात दिसले पाहिजे, असेही त्या म्हणाल्या.

प्रियांका गांधी म्हणाल्या, “निवडणुकीसाठी एक वर्ष शिल्लक आहे… ज्या पक्षांची विचारधारा भाजपच्या विरुद्ध आहे, ते सर्व पक्ष एकजुटीने लढतील, अशी अपेक्षा आहे, मात्र कॉंग्रेसकडून सर्वाधिक अपेक्षा आहेत. संघटनेसमोर अनेक आव्हाने असून त्यांना सामोरे जावे लागणार असून, गावोगाव जाऊन लोकांना भेटावे लागेल, असे ते म्हणाले.

त्यांनी कार्यकर्त्यांना पक्षाचा संदेश आणि केंद्र सरकारचे “अपयश” लोकांपर्यंत पोहोचविण्यास सांगितले. निवडणुकीच्या काळात असे मुद्दे मांडले जातात, ज्याचा जनतेला काहीच उपयोग नसतो. रोजगार, तरुणाई, महागाई आदी प्रश्‍नांवर निवडणुका लढवल्या पाहिजेत. विकास कसा होणार, हेच आपलं राजकारण व्हायला हवं, असंही त्या म्हणाल्या.

https://wordpress-1295094-4705890.cloudwaysapps.com/khalistan-supporters-getting-funding-from-pakistan-other-countries-punjab-cm-bhagwant-mann/

प्रियांका गांधी शेवटी म्हणाल्या की, राहुल गांधींनी ‘भारत जोडो यात्रे’च्या माध्यमातून कॉंग्रेसच्या विचारसरणीची लांबलचक रेषा दाखवली आहे. सर्वांनीच आता एकत्र लढायचे असून तरुणांसाठी लढायचे आहे. काही उद्योगपतींचा कसा फायदा होतो आणि शेतकऱ्यांचे नुकसान होत आहे. जेव्हा-जेव्हा निवडणूक असते आणि जेव्हा आपण बेरोजगारीच्या मुद्द्यांवर बोलतो तेव्हा महागाई आणि खऱ्या प्रश्‍नांवरून लक्ष वळवण्याचा प्रयत्न केला जातो. मला खात्री आहे की आपण एकत्र काम करू.