Sandeep Kshirsagar : आज १५ अॅागस्ट स्वातंत्र्य दिन असून भारताला स्वातंत्र्य मिळून ७९ वर्ष पूर्ण झाली आहेत. स्वातंत्र्य दिनाच्या निमित्ताने देशभरात आनंदाचे वातावरण आहे. अशातच बीड शहरातील ध्वजारोहणाच्या निमंत्रणावरुन मोठा वाद निर्माण झाला आहे. शरद पवार यांच्या राष्ट्रवादी काँग्रेस पक्षाचे आमदार संदीप क्षीरसागर यांनी याबाबत गंभीर आरोप करत आपली उघड नाराजी व्यक्त केली आहे. “वेळ पडल्यास आम्ही शांत बसणार नाही, रस्त्यावर उतरू.” असा इशाराही त्यांनी दिला आहे.

जिल्हा नियोजन समितीच्या (DPDC) निधी वाटपावरून उपमुख्यमंत्री सुनेत्रा पवार यांचे पीए (PA) झरे आणि देशमुख यांच्या सांगण्यावरूनच येथील संपूर्ण कारभार चालत असल्याचा गंभीर आरोपही बीडचे आमदार संदीप क्षीरसागर यांनी केला आहे. यामुळे येथील स्थानिक राजकीय वर्तुळात एकच खळबळ उडाली आहे.

नेमकं काय म्हणाले संदीप क्षीरसागर?

“यापूर्वी कंकालेश्वर मंदिराच्या उद्घाटनासाठीही मला निमंत्रण देण्यात आले नव्हते. मी या भागाचा लोकप्रतिनिधी असतानाही मला डावलले गेले, यावरून स्पष्ट दिसते की इथे राजकारण केले जात आहे. DPDC मध्ये बोगस बिलं काढल्याच्या तक्रारी आम्ही केल्या, परंतु त्यावर कोणतीही कारवाई करण्यात आली नाही. विकास कामांबाबतीतही निधी मिळत नाही. मी नाराज आहे, का नाराज होऊ नये?” असा संतप्त सवाल करत त्यांनी आपली नाराजी स्पष्टपणे बोलून दाखवली.

“दादा आणि पंकजाताईंच्या काळातला कारभार पाहिला, सामाजिक काम आम्ही त्यांच्याकडे घेऊन गेल्यानंतर ते मार्गी लावायचे. मात्र इथे कोणीही डेरा घातला तरी त्याला काही मतलब नाही. मी विरोधी पक्षातला आमदार असताना दादांचे बॅनर लावले. मला आज सुध्दा ध्वजारोहणासाठी कुठलंही निमंत्रण नाही.” असेही संदीप क्षीरसागर म्हणाले.

मुख्यमंत्री देवेंद्र फडणवीस यांच्या हस्ते मंत्रालयात, ठाण्यात उपमुख्यमंत्री एकनाथ शिंदे आणि बीडमध्ये उपमुख्यमंत्री सुनेत्रा पवार यांच्या हस्ते स्वातंत्र्यदिनानिमित्त ध्वजारोहण करण्यात आले. यावेळी जिल्हा प्रशासनातील अधिकारी, कर्मचारी आणि मान्यवर उपस्थित होते. सुनेत्रा पवार यांनी तिरंग्याला मानवंदना देत उपस्थितांना स्वातंत्र्यदिनाच्या शुभेच्छा दिल्या.

Adnan Sami : …आणि नशीब बदललं; अदनान सामीच्या भारतात येण्यामागची रंजक गोष्ट, म्हणाला “भारतात स्थायिक होणे हा दैवी संकेत.”