OnePlus Nord 6: स्मार्टफोन प्रेमींसाठी एक मोठी बातमी आहे. प्रसिद्ध टेक ब्रँड OnePlus ने आपल्या बहुप्रतिक्षित OnePlus Nord 6 च्या लाँचिंगची अधिकृत घोषणा केली आहे. गेल्या वर्षीच्या Nord 5 चा अपग्रेड व्हर्जन असलेला हा फोन ७ एप्रिल रोजी भारतात लाँच होणार असून, यामध्ये बॅटरी आणि परफॉर्मन्सवर विशेष लक्ष देण्यात आले आहे. लाँच डेट आणि उपलब्धता – OnePlus Nord 6 भारतात ७ एप्रिल रोजी संध्याकाळी ७:०० वाजता लाँच केला जाईल. लाँचिंगनंतर हा फोन ई-कॉमर्स प्लॅटफॉर्म Amazon वर विक्रीसाठी उपलब्ध होईल. कंपनीने हे देखील स्पष्ट केले आहे की, हा फोन ‘क्विक सिल्व्हर’ (Quick Silver), ‘फ्रेश मिंट’ (Fresh Mint), आणि ‘लो-रिफ्लेक्शन पिच ब्लॅक’ (Low-Reflection Pitch Black) अशा तीन आकर्षक रंगात ग्राहकांसाठी उपलब्ध असेल. अपेक्षित किंमत – मिळालेल्या माहितीनुसार, OnePlus Nord 6 ची भारतात किंमत साधारणपणे ३५,००० ते ४०,००० रुपयांच्या दरम्यान असण्याची शक्यता आहे. OnePlus Nord 6 ची दमदार वैशिष्ट्ये (Specifications) हा फोन मिड-रेंज सेगमेंटमध्ये प्रीमियम अनुभव देण्यासाठी सज्ज आहे. यामध्ये ६.७८ इंचाचा १.५K फ्लॅट OLED LTPS डिस्प्ले, ज्यामध्ये १६५Hz रिफ्रेश रेट आणि १८०० nits ब्राइटनेस देण्यात आला आहे. संरक्षणासाठी ‘OPPO क्रिस्टल शील्ड’ वापरण्यात आले आहे. वेगवान परफॉर्मन्ससाठी यात Snapdragon 8s Gen 4 SoC प्रोसेसर आणि Adreno 825 GPU देण्यात आला आहे. गेमिंगसाठी यात खास १६५FPS मोड उपलब्ध असेल. या फोनचे सर्वात मोठे आकर्षण म्हणजे याची ९,०००mAh ची अवाढव्य बॅटरी. ही बॅटरी ८०W फास्ट चार्जिंग आणि २७W रिव्हर्स चार्जिंगला सपोर्ट करते. फोटोग्राफीसाठी यात ५०MP Sony LYT-600 प्रायमरी सेन्सर (OIS सह) आणि १६MP चा सेल्फी कॅमेरा मिळण्याची शक्यता आहे. हा फोन लेटेस्ट Android 16 आधारित OxygenOS 16 वर काम करेल. तसेच यामध्ये Wi-Fi 7, Bluetooth 5.4, NFC आणि नवीन G2 Wi-Fi चिप. इन-डिस्प्ले फिंगरप्रिंट स्कॅनर आणि IP66/68/69 रेटिंग (पाणी आणि धुळीपासून संरक्षणासाठी). ८.५mm जाडी आणि २१७ ग्रॅम वजन आहे, या फोनमधील ९,०००mAh बॅटरी आणि १६५Hz डिस्प्ले यांसारखे फीचर्स या सेगमेंटमध्ये प्रथमच पाहायला मिळणार आहेत, ज्यामुळे ग्राहकांमध्ये या फोनबद्दल मोठी उत्सुकता आहे.
