फिरोजपूर : भारत-पाकिस्तान सीमेवरील तणाव वाढत असताना, शुक्रवारी (९ मे) पंजाबमधील फिरोजपूर येथील एका निवासी भागात पाकिस्तानी ड्रोनने हल्ला केला. या हल्ल्यात एक कुटुंब जखमी झाले असून, त्यांना तातडीने उपचारासाठी रुग्णालयात दाखल करण्यात आले आहे.

Punjab | One Pakistani drone has hit a residential area in Firozpur and injured a family. Rushed to hospital for further treatment

— ANI (@ANI) May 9, 2025

संरक्षण सूत्रांनुसार, हा हल्ला ‘ऑपरेशन सिंदूर’च्या प्रत्युत्तरात पाकिस्तानने केलेल्या ड्रोन हल्ल्यांचा भाग आहे. भारतीय हवाई संरक्षण यंत्रणेने अनेक ड्रोन पाडले असले, तरी फिरोजपूरमधील हे ड्रोन निवासी भागात कोसळले.

या घटनेमुळे स्थानिकांमध्ये भीतीचे वातावरण आहे. फिरोजपूरसह पंजाब, जम्मू-काश्मीर आणि राजस्थानच्या सीमावर्ती भागात खबरदारीचा उपाय म्हणून ब्लॅकआउट लागू करण्यात आला आहे.

#WATCH | Ferozepur, Punjab: On a family who got injured in Pakistani drone attack, Dr Kamal Bagi says, “Due to drone-bomb, three people got injured. Out of these, the condition of a woman is critical, she has suffered severe burns. The other two have lesser burns. We have… pic.twitter.com/s7ELhm6ihH

— ANI (@ANI) May 9, 2025

पाकिस्तानी ड्रोन हल्ल्यात जखमी झालेल्या कुटुंबावर उपचार करणारे डॉ. कमल बागी म्हणतात, “ड्रोन-बॉम्बमुळे तीन जण जखमी झाले. यापैकी एका महिलेची प्रकृती गंभीर आहे, तिला गंभीर भाजले आहे. इतर दोघांना कमी भाजले आहे. आम्ही ताबडतोब त्यांच्यावर उपचार सुरू केले आहेत. ते एकाच कुटुंबातील आहेत.”

#WATCH | J&K | Red streaks seen and explosions can be heard as India’s air defence intercepts Pakistani drones amid blackout in Samba.

(Visuals deferred by an unspecified time) pic.twitter.com/nDPV1ceQUD

— ANI (@ANI) May 9, 2025

पाकिस्तानी ड्रोन हल्ल्यात जखमी झालेल्या कुटुंबाबद्दल फिरोजपूरचे एसएसपी भूपिंदर सिंग सिद्धू म्हणाले, “आम्हाला ३ जण जखमी झाल्याची माहिती मिळाली. त्यांना भाजलेल्या जखमा आहेत. डॉक्टर त्यांच्यावर उपचार करतील. बहुतेक ड्रोन सैन्याने निष्क्रिय केले आहेत…”