कन्नड आणि तमिळ चित्रपट क्षेत्रातील लोकप्रिय अभिनेत्री रान्या रावला मंगळवारी ४ मार्च रोजी बंगळुरू विमानतळावरून पोलिसांनी अटक केली. तिच्या अटकेनंतर सर्वत्र मोठी खळबळ उडाली होती. बंगळूरूच्या केम्पेगौडा आंतरराष्ट्रीय विमानतळावरून तिला ताब्यात घेण्यात आले. तिच्याकडे तब्बल १२ कोटी रुपयांचे सोनं आढळून आल्याने सदर कारवाई करण्यात आली. अभिनेत्री रान्या रावला ही दूबईहून परतत असताना महसूल विभागातील अधिकाऱ्यांनी विमानतळावर तिची झडती घेतली. त्यावेळी तिच्याकडे हे सोनं आढळून आले. तिला अटक केल्यानंतर रान्या रावलाने मोठा दावा केला आहे. सन्या रावने केलेल्या दाव्यात तिला सोन्याची तस्करी करण्यासाठी धमकी देण्यात आली होती, असे तिने पोलिसांना सांगितले आहे. तसेच या प्रकरणात पोलिसांनी कॅान्स्टेबल बसवराजू याला ताब्यात घेतले आहे. मिळालेल्या माहितीनुसार, पोलिस कॉन्स्टेबल बसवराजू याच्या मदतीने बायपास करण्याचा प्रयत्न ती करत होती. अखेर पोलिसांनी तिला रंगेहाथ पकडले. रान्या रावला आता १४ दिवसांची न्यायालयीन कोठडी सुनावण्यात आली आहे. याप्रकरणी पोलिस तिची कसून चौकशी करत आहेत. घरावरही छापा पोलिसांनी तिला अटक केल्यानांतर तिच्या घरावरही छापा टाकला. या कारवाईत पोलिसांनी २.६७ कोटी रुपयांची रोकड आणि २.०६ कोटी रुपयांचे सोने जप्त केले आहे. तसेच पोलिसांनी तिच्या घरातून तीन मोठे बॅाक्सदेखील जप्त केले आहेत. पोलिसांनी कारवाईत एकूण १७.२९ कोटी रुपये जप्त केले आहेत. जॅकेटमधून सोनं केलं जप्त बेंगळुरूमधील केम्पेगौडा आंतरराष्ट्रीय विमानतळावर रान्या उतरली. तिच्या हालचालींवर पोलीस बारीक लक्ष ठेवून होते. तिने पोलिस कॉन्स्टेबल बसवराजूच्या मदतीने सुरक्षा तपासणीला बायपास करण्याचा प्रयत्न केला. पण तिचा हा प्रयत्न फसला आणि ती पोलिसांनी रंगहाथ सापडली. यानंतर अधिकाऱ्यांनी अभिनेत्रीच्या जॅकेटमधून १२.५६ कोटी रुपयांचे १४.२ किलो सोनं जप्त केलं. रान्या राव कर्नाटक राज्य पोलीस गृहनिर्माण महामंडळाचे डीजीपी रामचंद्र राव यांची सावत्र मुलगी आहे.
