सातारा, (प्रतिनिधी) – गळफास घेऊन एकाने आत्महत्या केल्याची नोंद सातारा तालुका पोलीस ठाण्यात करण्यात आली आहे. याबाबत पोलिसांनी दिलेली माहिती अशी, दि. 8 रोजी दीड वाजण्याच्या पूर्वी कोंडीबा विठ्ठल पवार (रा. कुडेघर, पो. रोहोट, ता. सातारा) यांनी राहत्या घरी गळफास घेऊन आत्महत्या केली आहे. अधिक तपास सहाय्यक फौजदार वायदंडे करीत आहेत.

कामाचे पैसे मागितल्याने एकास मारहाण
सातारा, कामाचे पैसे मागितल्यावरुन एकास मारहाण केल्याप्रकरणी शाहूपुरी पोलीस ठाण्यात तक्रार दाखल करण्यात आली आहे.

याबाबत पोलिसांनी दिलेली माहिती अशी, दि. 7 रोजी साडेपाच वाजण्याच्या सुमारास आशुतोष दशरथ बोभाटे (रा. आकाशवाणी झोपडपट्टी, सातारा) यांनी केलेल्या कामाचे पैसे हारूण रसूल बागवान (रा. बुधवार पेठ, सातारा) यांना मागितले असता बागवान यांनी त्यांना शिवीगाळ, दमदाटी केली आहे. त्यामुळे बागवान यांच्यावर प्रतिबंधक कारवाई करण्यात आली आहे.

जुगारप्रकरणी एकावर कारवाई
सातारा शहर पोलिसांनी जुगार प्रकरणी एकावर कारवाई केली आहे. याबाबत पोलिसांनी दिलेली माहिती अशी, दि. 8 रोजी दुपारी साडेपाच वाजण्याच्या सुमारास गुरुवार परज, सातारा येथील स्क्रॅप दुकानाच्या आडोशाला मोहम्मद मेहबूब खान (रा. गुरुवार पेठ, सातारा) हे जुगार घेताना आढळून आले. त्यांच्याकडून 520 रुपये रोख व जुगाराचे साहित्य हस्तगत करण्यात आले आहे.