Omar Abdullah : जम्मू-काश्मीर प्रशासनाने सोमवारी हिवाळी राजधानी जम्मूमधून प्रशासकीय कामकाजाला सुरुवात केली. १५४ वर्षांच्या द्विवार्षिक दरबार मूव्ह प्रथेनुसार सिव्हिल सचिवालय, लोक भवन आणि अन्य सरकारी कार्यालये पुन्हा सुरू झाली आहेत.

मुख्यमंत्री ओमर अब्दुल्ला (Omar Abdullah) सचिवालयात दाखल झाल्यानंतर त्यांना गार्ड ऑफ ऑनर देण्यात आला. त्यांनी मानवंदना स्वीकारल्यानंतर विविध कार्यालयांची पाहणी केली आणि अधिकाऱ्यांशी संवाद साधला.

यानिमित्ताने जम्मूमध्ये कडक सुरक्षा व्यवस्था तैनात करण्यात आली असून, सचिवालयासह प्रमुख रस्ते आणि महत्त्वाच्या आस्थापनांच्या परिसरात पोलीस व निमलष्करी दलाचे जवान तैनात आहेत. डोग्रा राज्यकर्त्यांनी १८७२ मध्ये सुरू केलेल्या या प्रथेनुसार उन्हाळ्यात सरकारी कार्यालये श्रीनगरमध्ये, तर हिवाळ्यात जम्मूमध्ये हलवली जातात.

काश्मीर खोऱ्यातील कडाक्याच्या थंडीच्या पार्श्वभूमीवर ही व्यवस्था सुरू करण्यात आली होती. मात्र, २०२१ मध्ये ई-ऑफिस प्रणाली आणि सरकारी खर्चातील बचतीचे कारण देत तत्कालीन प्रशासनाने ही प्रथा बंद केली होती. त्यामुळे जम्म्यातील व्यापारी वर्गाने नाराजी व्यक्त केली होती. ओमर अब्दुल्ला (Omar Abdullah) सरकारने ऑक्टोबर २०२५ मध्ये ही प्रथा पुन्हा सुरू केली.

निवडणुकीतील आश्वासनाची पूर्तता करत जम्मू आणि श्रीनगरमधील पारंपरिक प्रशासकीय व्यवस्था पुनर्स्थापित करण्यात आली आहे. या स्थलांतरामुळे जम्म्यातील व्यापार आणि स्थानिक अर्थव्यवस्थेला चालना मिळण्याची अपेक्षा (Omar Abdullah) आहे.