Olympics Medals Winners List : पॅरिस ऑलिम्पिक 2024 स्पर्धा 26 जुलैपासून सुरू होत आहे. याआधी सर्व खेळाडू तयारीनिशी पॅरिसला पोहोचले आहेत. अशा परिस्थितीत या खेळाडूंना साथ देणाऱ्या देशवासीयांना त्यांच्या आवडत्या खेळाडूंकडून पदकांची अपेक्षा आहे.

पॅरिस ऑलिम्पिक 2024 साठी जगभरातील दहा हजारांहून अधिक खेळाडू पात्र ठरले आहेत, त्यापैकी 117 भारतीय आहेत. अशा परिस्थितीत, आज येथे जाणून घ्या, ऑलिम्पिक स्पर्धेत पदकांच्या बाबतीत कोणता देश आघाडीवर आहे आणि भारत कोणत्या क्रमांकावर आहे.

सर्वाधिक पदके जिंकणारे टॉप 10 देश

आतापर्यंत 155 देशांनी ऑलिम्पिकमध्ये भाग घेतला आहे. एकूण 16,781 पदके जिंकली आहेत. यामध्ये 5,460 सुवर्ण, 5,429 रौप्य आणि 5,892 कांस्य पदकांचा समावेश आहे. अमेरिकेने आतापर्यंत सर्वाधिक पदके जिंकली आहेत. दुसरीकडे लिक्टेनस्टीनला आतापर्यंत एकही पदक जिंकण्यात यश आलेले नाही. लिकटेंस्टीन प्रथम 1936 मध्ये बर्लिनसाठी पात्र ठरले होते.

1. युनायटेड स्टेट्स (1061 सुवर्ण, 830 रौप्य, 738 कांस्य, 2629 एकूण पदके)
2. सोव्हिएत युनियन (395 सुवर्ण, 319 रौप्य, 296 कांस्य, 1010 एकूण पदके)
3. ग्रेट ब्रिटन (284 सुवर्ण, 318 रौप्य, 314 कांस्य, 916 एकूण पदके)
4. फ्रान्स (223 सुवर्ण, 251 रौप्य, 277 कांस्य, 751 एकूण पदके)
5. जर्मनी (201 सुवर्ण, 207 रौप्य, 247 कांस्य, 655 एकूण पदके)

6. चीन (263 सुवर्ण, 199 रौप्य, 174 कांस्य, 636 एकूण पदके)
7. इटली ( 217 सुवर्ण, 188 रौप्य, 213 कांस्य, 618 एकूण पदके)
8. आॅस्ट्रेलिया (164 सुवर्ण, 173 रौप्य, 210 कांस्य, 547 एकूण पदके)
9. हंगेरी ( 181 सुवर्ण, 154 रौप्य, 176 कांस्य, 511 एकूण पदके)
10. स्वीडन (147 सुवर्ण, 177 रौप्य, 179 कांस्य, 503 एकूण पदके)

Paris Olympics 2024 : पॅरिस ऑलिम्पिकवर कोरोनाचे सावट, ‘या’ देशाचे दोन खेळाडू सापडले Covid-19 पॉझिटिव्ह…

भारत कोणत्या क्रमांकावर….

भारत 1900 मध्ये पहिल्यांदा ऑलिम्पिकसाठी पात्र ठरला होता. टोकियो ऑलिम्पिक 2020 पर्यंत, भारताने 25 ऑलिम्पिकसाठी पात्रता मिळवण्यात यश मिळवले आहे. आतापर्यंत भारताला एकूण 35 पदके जिंकण्यात यश आले आहे. यामध्ये 10 सुवर्ण, 9 रौप्य आणि 16 कांस्य पदकांचा समावेश आहे. टोकियो ऑलिम्पिक 2020 पर्यंत, भारत ऑलिम्पिक पदक यादीत 58 व्या क्रमांकावर आहे.

दक्षिण आशिया विभाग….

भारत (10 सुवर्ण, 09 रौप्य, 16 कांस्य, एकूण पदके 35)
पाकिस्तान (03 सुवर्ण, 03 रौप्य, 04 कांस्य, एकूण पदके 10)
श्रीलंका (00 सुवर्ण, 02 रौप्य, 00 कांस्य, एकूण पदके 02)

Paris Olympics 2024 : भारताचे 7 शटलर्स दुसऱ्यांदा ऑलिम्पिकमध्ये दाखवतील आपली ताकद, सात्विक-चिराग जोडी पदकासाठी मोठी दावेदार…

भारताव्यतिरिक्त दक्षिण आशिया विभागात बांगलादेश, भूतान, मालदीव, नेपाळ, पाकिस्तान आणि श्रीलंका या राष्ट्रीय ऑलिम्पिक समित्या आहेत. यापैकी बांगलादेश, भूतान, मालदीव आणि नेपाळ यांनी आतापर्यंत एकही पदक जिंकलेले नाही. तर भारत, पाकिस्तान आणि श्रीलंकेसह दक्षिण आशिया झोनमध्ये एकूण 47 पदके आहेत.