गुगल (Google) डीप माईंडच्या (DeepMind) मदतीने एक नवीन जनरेटिव्ह एआय (AI) टूल विकसित करत आहे. या सहाय्यक एआय टूल्सची मदत जीवन सल्ला, नियोजन आणि अगदी शिकवणीमध्येही होणार आहे. डीपमाइंड तंत्रज्ञानाच्या मदतीने गुगल या एआय टूल्सची चाचणी करत असल्याचा दावा केला जात आहे. या AI सहाय्यकाच्या मदतीने किमान 21 विविध प्रकारची वैयक्तिक आणि व्यावसायिक कामे करता येतात. ट्रेंडिंग व्हिडिओ AI असिस्टंट 21 प्रकारची कामे करू शकणार आहे न्यूयॉर्क टाइम्सच्या अहवालानुसार, एआय टूल 21 विविध कार्ये करू शकते, जसे की जीवन सल्ला, नियोजन, स्वयंपाक आणि ट्यूटोरियल टिप्स प्रदान करणे. ही सर्व टूल्स गुगलच्या AI युनिटपैकी एक असलेल्या DeepMind च्या मदतीने विकसित केली जात आहेत.

अहवालात असे म्हटले आहे की गुगलची नवीन योजना ही ओपनएआयच्या चॅटजीपीटी आणि मायक्रोसॉफ्टच्या बिंग चॅटशी स्पर्धा करण्याच्या गुगलच्या वाढत्या प्रयत्नांपैकी एक आहे. AI टूल्स गुगल DeepMind सह सुसज्ज असतील. अहवालानुसार, गुगलची इन-हाउस AI रिसर्च लॅब, DeepMind, AI-powered लाइफ कोचची चाचणी करत आहे. कंपनी गुगल DeepMind ला या टूल्सने सुसज्ज करणार आहे. हे एआय टूल गुगल बार्ड आणि चॅटजीपीटी सारख्या चॅटबॉट्सप्रमाणेच प्रश्नांची उत्तरे देण्यात पटाईत असेल असे बोलले जात आहे. एआय टूल जीवनातील समस्या सोडवण्यासाठी मदत करेल.

अहवालानुसार, एआय चॅटबॉट्सना अशा प्रश्नांवर प्रशिक्षण दिले जात आहे की ते वास्तविक जीवनातील समस्या सोडविण्यात मदत करू शकतील. अहवालात प्रश्नांची उदाहरणे देखील दिली आहेत जी AI टूल्स सहजपणे सोडवू शकतात. जसे की “माझी एक जवळची मैत्रीण आहे जिचे या हिवाळ्यात लग्न होत आहे. ती माझी कॉलेज रूममेट होती. तिच्या आनंदात सहभागी होण्यासाठी मला तिच्या लग्नाला हजेरी लावायची आहे, पण अनेक महिने नोकरी शोधूनही मला अजूनही नोकरी मिळाली नाही. तिचे डेस्टिनेशन वेडिंग आहे आणि मला आत्ता फ्लाइट किंवा हॉटेल परवडत नाही. मी तिला कसे सांगू की मी येऊ शकणार नाही?”

गुगलचा नवीन AI चॅटबॉट कल्याण आणि सुधारणेसाठी शिफारसी करण्यासाठी सादर केला जाईल – मग तो आर्थिक असो वा सामाजिक. गुगल बार्डमध्‍ये तत्सम क्षमता अगोदरच आहेत, परंतु याला काही मर्यादा देखील आहेत. उदाहरणार्थ, चॅटबॉट वित्त, आरोग्य आणि कायदेशीर यावरील सल्ल्याचे उत्तर देणे टाळतो. ही उणीव दूर करण्यासाठी गुगल नवीन एआय तंत्रज्ञान सादर करत आहे, असे म्हटल्यास चुकीचे ठरणार नाही.