Pune News  : यंदाचा गणेशोत्सव हा राज्य महोत्सव म्हणून साजारा करण्यास राज्य सरकारकडून मान्यता मिळाली. यामुळे राज्यभरात गणेशउत्सव दरवर्षीप्रमाणे यंदा मोठ्या थाट्यात साजरा करण्यात आला. पुण्यामध्ये गणेशउत्सवाच्या काही दिवस अगोदर विसर्जन मिरवणुकीचा वाद चव्हाट्यावर आला होता. त्यानंतर केंद्रीय राज्य मंत्री मुरलीधर मोहोळ यांनी मंडळाच्या पदाधिकाऱ्यांसोबत बैठक घेत तोडगा काढला. त्यानंतर गणेशउत्सव मोठ्या उत्साहात साजरा झाला. पण गणेश विसर्जनाच्या मिरवणुका पुन्हा एकदा लांबल्याचं पाहायला मिळालं.

मानाच्या गणपतींची विसर्जन मिरवणूक लवकर काढण्यात यावी अशी मागणी करण्यात आली. त्यानुसार सकाळी साडेनऊ वाजण्याच्या सुमारास विसर्जन मिरवणुकांना सुरूवात झाली. मानाच्या पाचही गणपतींची विसर्जन मिरवणूक वेळेअगोदर संपली. पण इतर मंडळांची विसर्जन मिरवणुका लांबल्याचे चित्र पाहायला मिळालं. सकाळी 11.30 वाजेपर्यंत 163 गणेश मंडळ अलका टॉकीज चौकातून विसर्जन घाटाकडे मार्गस्थ झाले आहेत. त्यामुळे मिरवणूक संपायला २ ते ३ वाजणार आहेत.

गणेश विसर्जन मिरवणुकीत फटाक्यांवर स्पष्ट बंदी असतानाही राष्ट्रभूषण गणपती मंडळाने अलका टॉकिज चौकात थांबून जोरदार आतषबाजी केली. यामुळे येथे मोठी गर्दी झाली होती. मंडळांने बंदी झुगारून उच्छाद मांडल्याची चर्चा सुरू आहे. या प्रकरणात पोलिसांनी तातडीने हस्तक्षेप करत कारवाई केली असून एका व्यक्तीला ताब्यात घेतलं आहे. अलका टॉकीज चौकात चौफेर पोलीस पण मंडळांचा अच्छाद संपत नसल्याचे चित्र आहे.

भाविकांचे हाल 

खरंतर पुण्यातील गणपतींची विसर्जन मिरवणुका पाहण्यासाठी दूरदूरवरून भाविक पुण्यात दाखल होत असतात. यंदाच्या वर्षीही मोठ्या संख्येने गणेश भक्त लाडक्या बाप्पाची विसर्जन मिरवणुका पाहण्यासाठी पुण्यात दाखल झाले होते. पण मिरवणूक पाहण्यासाठी आलेल्या भाविकांची हाल झाले आहेत. त्यांना सुविधा मिळाल्या नाहीत, अनेक ठिकाणी शौचालय गृह ही नादुरुस्त होती.

मानाचे पाच गणपती 

मानाचा पहिला कसबा गणपती – 4:35 वाजता म्हणजे 6 तास 35 मिनिटं मिरवणूक चालली.

मानाचा दुसरा तांबडी जोगेश्वरी गणपती – 5:10 वाजता म्हणजे 7 तास 10 मिनिटं मिरवणूक चालली.

मानाचा तिसरा गुरुजी तालीम गणपती – 6:44 वाजता म्हणजे 8 तास 44 मिनिटं मिरवणूक चालली.

मानाचा चौथा तुळशीबाग गणपती – 7:15 वाजता म्हणजे 9 तास 15 मिनिटं मिरवणूक चालली.

मानाचा पाचवा केसरीवाडा गणपती – 7:33 वाजता म्हणजे 9 तास 33 मिनिटं मिरवणूक चालली.

याशिवाय श्रीमंत भाऊसाहेब रंगारी गणपती विसर्जन पहाटे 3.50 वाजता झालं.

हेही  वाचा : Pune : वादकांकडून पत्रकार महिलेचा विनयभंग; छायाचित्रकारांना धक्काबुक्की