Norway beats Brazil FIFA World Cup 2026 Erling Haaland Neymar Jr : फिफा फुटबॉल विश्वचषक २०२६ स्पर्धेत फुटबॉल जगताला हादरवून टाकणारा एक सर्वात मोठा उलटफेर पाहायला मिळाला आहे. बाद फेरीच्या चुरशीच्या सामन्यात नॉर्वेने पाच वेळच्या जगज्जेत्या ब्राझीलचा २-१ असा पराभव करत फुटबॉल इतिहासात पहिल्यांदाच क्वार्टर फायनलमध्ये (उपांत्यपूर्व फेरी) धडक मारली आहे. नॉर्वेचा स्टार स्ट्रायकर एर्लिंग हालंड याने उत्तरार्धात दोन अप्रतिम गोल करत आपल्या देशाला ऐतिहासिक विजय मिळवून दिला. ब्राझीलकडून एकमेव गोल स्टार खेळाडू नेमार जुनियरने इंजरी टाईममध्ये केला, मात्र तोपर्यंत ब्राझीलचे स्पर्धेतील आव्हान संपुष्टात आले होते.

पहिला हाफ गोलशून्य; उत्तरार्धात हालंडचे वादळ –  (Norway Beats Brazil)

न्यू जर्सी येथील स्टेडियमवर खेळल्या गेलेल्या या हाय-व्होल्टेज सामन्याचा पहिला हाफ कमालीचा अटीतटीचा झाला. पहिल्या हाफमध्ये दोन्ही संघांना गोलचे खाते उघडता आले नाही. मात्र, दुसऱ्या हाफमध्ये हालंडने सामन्याचे चित्र पलटवले. सामन्याच्या ७९ व्या मिनिटाला हालंडने एक उत्कृष्ट हेडर मारत नॉर्वेला १-० अशी आघाडी मिळवून दिली. यानंतर ९० व्या मिनिटाला त्याने वैयक्तिक दुसरा गोल डागत स्कोर २-० केला आणि ब्राझीलच्या आशेवर पाणी फेरले. या दोन गोलसह एर्लिंग हालंडचे चालू विश्वचषकात आता एकूण ७ गोल झाले असून तो गोल्डन बूटच्या रेसमध्ये सामील झाला आहे.

🚨 End of an era.
Neymar has announced his retirement from international football with Brazil.

“I tried. I tried. It started here at MetLife Stadium and I finished here. It is now over.”

From his 2010 debut at the same stadium to tonight’s heartbreaking 2-1 R16 exit vs Norway… pic.twitter.com/kmUHNYuHiG

— Dr RK Singh (@DrRupak) July 6, 2026

पेनल्टी हुकली अन् ब्राझीलला ओर्जन नायलँड नडला –   (Norway Beats Brazil)

Erling Haaland leads the Viking Row as Norway beats Brazil 2-1 pic.twitter.com/9NSh8burQb

— positive side of X 🌞 (@positivityofx) July 6, 2026

पहिल्या हाफमध्ये ब्राझीलला गोल करण्याची सुवर्णसंधी मिळाली होती. नॉर्वेच्या क्रिस्टोफर एजरने ब्राझीलच्या मॅथियस कुन्हाला चुकीच्या पद्धतीने रोखल्याने ‘VAR’ रिव्ह्यूनंतर ब्राझीलला पेनल्टी मिळाली. मात्र, ब्राझीलच्या ब्रुनो गुइमारेसचा शॉट नॉर्वेचा अनुभवी गोलरक्षक ओर्जन नायलँड (Orjan Nyland) याने अप्रतिमरित्या अडवला. नायलँडने संपूर्ण सामन्यात ब्राझीलचे अनेक गोलचे प्रयत्न हाणून पाडत भिंत म्हणून काम केले.

हेही वाचा – Australia Win Final : लॉर्ड्सच्या मैदानावर ऑस्ट्रेलियन वाघिणींची ऐतिहासिक गर्जना! इंग्लंडला लोळवून सातव्यांदा उंचावला टी-२० विश्वचषक

Norway keep on drumming 🥁

Every team that has knocked Brazil out of the World Cup since 1938 has reached at least the semifinals 😮 pic.twitter.com/ZEDrnKJLxH

— B/R Football (@brfootball) July 5, 2026

उत्तरार्धात ब्राझीलने त्यांचा युवा स्टार अँड्रिकला मैदानात उतरवले. मैदानात आल्यावर अवघ्या ५२ सेकंदांत त्याला गोलची संधी होती, पण त्याचा ‘फर्स्ट टच’ खराब राहिल्याने संधी हुकली. शेवटी नेमारने पेनल्टीवर गोल केला खरा, पण ब्राझीलचा पराभव तो टाळू शकला नाही.  (Norway Beats Brazil)