North Korea Ballistic Missile : उत्तर कोरिया सतत आपली लष्करी शक्ती मजबूत करण्यात गुंतला आहे. अशा स्थितीत शुक्रवारी उत्तर कोरियानेही बॅलेस्टिक क्षेपणास्त्राची चाचणी केली. आता बातमी अशी आहे की, राष्ट्राध्यक्ष किम जोंग यांनी अणुऊर्जा आणखी मजबूत करण्यासाठी ठोस पावले उचलण्यावर भर दिला आहे.

राज्य मिडिया केसीएनए (KCNA) ने शनिवारी सांगितले की, उत्तर कोरियाचे नेते किम जोंग उन यांनी देशाची आण्विक शक्ती (nuclear power) आणखी मजबूत करण्यासाठी अधिक उत्पादनाचे आदेश दिले. KCNA ने सांगितले की, शुक्रवारी एका शस्त्रास्त्रांच्या कारखान्याला भेट देताना किम यांनी अणुऊर्जा (nuclear power) आणखी मजबूत करण्याचे आवाहन केले.

यादरम्यान किम म्हणाले, शत्रू उत्तर कोरियाच्या आण्विक शक्तीला पाहून स्वत:च घाबरतील. या काळात बॅलेस्टिक क्षेपणास्त्रांचीही चाचणी घेण्यात आली. अधिका-यांनी जपानच्या समुद्रात नवीन स्वायत्त नेव्हिगेशन प्रणालीची अचूकता आणि विश्वासार्हता तपासण्यासाठी यशस्वीरित्या चाचणी केली. क्षेपणास्त्र चाचणीबद्दल राष्ट्रपतींनी आनंद व्यक्त केला आहे.

दक्षिण कोरियाने म्हटले, डागली आहेत अनेक क्षेपणास्त्रे

दक्षिण कोरियाच्या सरकारने शुक्रवारी क्षेपणास्त्र डागल्याची माहिती दिली. त्याचे म्हणणे आहे की, उत्तर कोरियाने अनेक संशयास्पद कमी पल्ल्याच्या बॅलिस्टिक क्षेपणास्त्रे डागली आहेत. अमेरिका आणि दक्षिण कोरिया यांच्या संयुक्त लष्करी सरावाच्या दुसऱ्या दिवशी उत्तर कोरियाने पूर्व किनारपट्टीवरून अनेक बॅलेस्टिक क्षेपणास्त्रे डागली आहेत. दक्षिण कोरियाच्या जॉइंट चीफ्स ऑफ स्टाफने सांगितले की, पूर्व किनाऱ्यावरील वानसान भागातून सोडण्यात आलेल्या क्षेपणास्त्रांनी जपानच्या समुद्रात पडण्यापूर्वी सुमारे 300 किलोमीटरचे अंतर पार केले.

China-Russia Relations : पुतिन आणि जिनपिंग यांच्या भेटीने अमेरिका अस्वस्थ, बीजिंगला दिली धमकी…

किम जोंग यांनी पुन्हा दिली धमकी…

क्षेपणास्त्राची चाचणी झाली त्याच दिवशी किम जोंग उन यांनी लष्करी उत्पादन केंद्राला भेट दिली. येथे आण्विक शक्ती अधिक वेगाने बळकट करण्याचे आवाहन देखील केले. रिपोर्टमध्ये असा दावा करण्यात आला आहे की, किम यांनी शनिवारी सांगितले की ‘न थांबता आणि न डगमगता अणुऊर्जा आणखी मजबूत केली पाहिजे. शत्रू तेव्हाच घाबरतील आणि आगीशी खेळण्याचे धाडस करणार नाहीत, जेव्हा ते आपल्या राज्याची अणुयुद्धाची स्थिती पाहतील.’

त्याचवेळी सियोल आणि वॉशिंग्टनने उत्तर कोरियावर रशियाला शस्त्रे पाठवल्याचा आरोप केला आहे. उत्तर कोरिया संयुक्त राष्ट्रांच्या निर्बंधांचे उल्लंघन करत असल्याचे या देशांचे म्हणणे आहे.