Nobel Prize 2024: रसायनशास्त्र क्षेत्रातील 2024 चा नोबेल पुरस्कार जाहीर झाला आहे. रॉयल स्वीडिश ॲकॅडमी ऑफ सायन्सेसनुसार, यंदा हा सन्मान तीन जणांना देण्यात आला. या पुरस्काराचा अर्धा भाग डेव्हिड बेकर यांना संगणकीय प्रथिने डिझाइनसाठी दिला जाईल. याव्यतिरिक्त, प्रथिने संरचना अंदाजासाठी डेमिस हसाबिस आणि जॉन एम. जम्पर यांना संयुक्तपणे पुरस्कृत केले जाईल.

याआधी मंगळवारी भौतिकशास्त्र क्षेत्रातील पुरस्कार जाहीर करण्यात आला. जॉन जे. हॉपफिल्ड आणि जेफ्री ई. हिंटन यांना भौतिकशास्त्रातील नोबेल पारितोषिक देण्याचा निर्णय घेण्यात आला. कृत्रिम न्यूरल नेटवर्कसह मशीन लर्निंग सक्षम करणाऱ्या मूलभूत शोधसाठी हा पुरस्कार देण्याचा निर्णय घेण्यात आला.

त्याचवेळी फिजिओलॉजी किंवा मेडिसिन या क्षेत्रासाठी या सन्मान विजेत्यांची नावे सोमवारी जाहीर करण्यात आली. या वर्षी अमेरिकेच्या व्हिक्टर ॲम्ब्रोस आणि गॅरी रुवकुन यांची वैद्यकीय क्षेत्रातील नोबेल पुरस्कारासाठी निवड झाली आहे. मायक्रो आरएनएच्या शोधाबद्दल दोघांनाही हा सन्मान देण्यात आला.

7 ऑक्टोबरपासून नोबेल पुरस्कारांची घोषणा सुरू –

नोबेल पुरस्कारांची घोषणा वैद्यकशास्त्रातील नोबेल पारितोषिकापासून सुरू झाली. सोमवार, 7 ऑक्टोबर रोजी ही घोषणा करण्यात आली. यानंतर मंगळवार, 8 ऑक्टोबर रोजी भौतिकशास्त्रातील नोबेल पारितोषिक जाहीर करण्यात आले. यानंतर आज म्हणजेच बुधवारी रसायनशास्त्रातील नोबेल पुरस्कार जाहीर करण्यात आला. आता साहित्य क्षेत्रातील नोबेल पारितोषिक विजेत्याच्या नावाची घोषणा गुरुवारी होणार आहे. याशिवाय नोबेल शांतता पुरस्काराची घोषणा शुक्रवारी होणार असून अर्थशास्त्र क्षेत्रातील हा पुरस्कार विजेत्याची घोषणा 14 ऑक्टोबरला केली जाणार आहे.

इतके बक्षीस मिळते –

पुरस्कारांमध्ये 11 दशलक्ष स्वीडिश क्रोनर म्हणजेच एक दशलक्ष यूएस डॉलर्स किंवा एक दशलक्ष डॉलर्सचे रोख पारितोषिक आहे. हा निधी पुरस्काराचे संस्थापक आणि स्वीडिश संशोधक अल्फ्रेड नोबेल यांनी दिलेल्या मृत्युपत्रातून उल्लेखाप्रमाणे दिला जातो. 1896 मध्ये त्यांचे निधन झाले होते. नोबेल पारितोषिक जास्तीत जास्त तीन विजेत्यांना दिले जाऊ शकते. त्यांना बक्षिसाची रक्कम विभागून दिली जाते.