Shoaib Malik-Sana Javed : भारतीय टेनिस स्टार सानिया मिर्झाचा पाकिस्तानी क्रिकेट पती शोएब मलिक याने तिसऱ्यांदा विवाह केला आहे. त्याने अभिनेत्री ‘सना जावेद’ सोबत लग्न केले आहे. सानिया मिर्झाशी लग्न करण्यापूर्वीच त्याचे पहिले लग्न केले होते. घटस्फोट घेतल्यानंतर त्याने भारतीय टेनिस स्टारशी लग्न केले होते. मागील काही दिवसांपासून शोएब आणि सानिया यांच्यात घटस्फोटाच्या बातम्या येत होत्या. यातच आता त्याच्या तिसऱ्या लग्नाचे फोटो सोशल मीडियावर तुफान व्हायरल होत आहे.

 

View this post on Instagram

 

A post shared by Shoaib Malik (@realshoaibmalik)

सना जावेद ही पाकिस्तानी टीव्ही अभिनेत्री आहे आणि तिचे हे दुसरे लग्न आहे. सना जावेद याआधी पाकिस्तानी गायक ओमर जसवालसोबत रिलेशनशिपमध्ये होती, मात्र आता तिने शोएब मलिकसोबत लग्न केले आहे. सना आणि उमरनेही इन्स्टाग्रामवरून त्यांचे सर्व जुने फोटो हटवले आहेत. सनाचे पहिले लग्न 2020 मध्ये झाले होते, तर आता तिचे दुसरे लग्न 2024 मध्ये झाले आहे.

दरम्यान, आता सना जावेदने शोएब मलिक याच्याशी लग्नगाठ बांधल्यानंतर तिने अधिकृत सोशल मीडियावर अकाउंटचे नाव देखील बदलले आहे. सना जावेद इन्स्टाग्रामवर बरीच सक्रिय दिसते. तिच्या इन्स्टाग्रामचे अधिकृत हँडल @sanajaved.official आहे. लग्नानंतर तिने नाव बदलून ‘सना शोएब मलिक’ ठेवले आहे.

सना जावेदचे इंस्टाग्रामवर 84 लाख फॉलोअर्स आहेत. त्याचबरोबर सना स्वतः 304 लोकांना फॉलो करते. सनाच्या अकाऊंटवरून आतापर्यंत 726 पोस्ट शेअर करण्यात आल्या आहेत. यापैकी तिची ताजी पोस्ट शोएब मलिकसोबतच्या तिच्या लग्नाबद्दल आहे. या फोटोत दोघेही एकत्र दिसत आहेत.