गढवा : केंद्र सरकार झारखंडच्या पायाभूत सुविधा मजबूत करण्यासाठी वचनबद्ध आहे आणि राज्यात २ लाख कोटी रुपयांचे राष्ट्रीय महामार्ग प्रकल्प राबविले जातील. मी झारखंडच्या पायाभूत सुविधा मजबूत करण्यासाठी पूर्णपणे वचनबद्ध आहे. मी राज्यात २ लाख कोटी रुपयांचे राष्ट्रीय महामार्ग प्रकल्प राबविण्याचे आश्वासन देतो, अशी माहिती केंद्रीय रस्ते वाहतूक आणि महामार्ग मंत्री नितीन गडकरी यांनी झारखंडमधील गढवा येथे दिली. गडकरी म्हणाले की, राज्यात आतापर्यंत ४०,००० कोटी रुपयांचे प्रकल्प पूर्ण झाले आहेत. तर ७०,००० कोटी रुपयांच्या प्रकल्पांवर काम सुरू आहे. याशिवाय ७५,००० कोटी रुपयांच्या योजना पाइपलाइनमध्ये आहेत. ३६,००० कोटी रुपयांचा वाराणसी-रांची-कोलकाता ग्रीनफील्ड कॉरिडॉर मार्च २०२८ पर्यंत पूर्ण होईल. १२,८०० कोटी रुपयांचा रांची-वाराणसी आर्थिक कॉरिडॉर जानेवारी २०२८ पर्यंत तयार होईल. त्याच वेळी, ३१,७०० कोटी रुपयांचा दिल्ली-कोलकाता सहा पदरी कॉरिडॉर जून २०२६ पर्यंत तयार होईल.
