Nimisha Nair Incident: मुंबईसारख्या सुरक्षित मानल्या जाणाऱ्या शहरात एक धक्कादायक घटना समोर आली आहे. निमिषा नायर या अभिनेत्रीने सोशल मीडियावर एक व्हिडिओ शेअर करत सांगितले की, त्यांच्या सोबत रस्त्यावर छेडछाड आणि धमकावण्याची घटना घडली. या घटनेमुळे शहरातील महिलांच्या सुरक्षेबाबत पुन्हा एकदा प्रश्न उपस्थित झाले आहेत. Nimisha Nair Incident ही घटना मंगळवारी पहाटे सुमारे ४:५० वाजता घडली. निमिषा नायर या बांद्रा पूर्व येथील खेरवाडी फ्लायओव्हरवरून कॅबने प्रवास करत होत्या. त्याचवेळी दोन युवक त्यांच्या गाडीसमोर आले आणि त्यांनी रस्ता अडवण्याचा प्रयत्न केला. हे दोघेही नशेत असल्याचा संशय व्यक्त करण्यात आला आहे.Nimisha Nair Incident सुरुवातीला हा वाद ओव्हरटेक करण्याच्या कारणावरून झाला. मात्र, काही वेळातच परिस्थिती गंभीर झाली. त्या युवकांनी आपली स्कूटी रस्त्याच्या मधोमध उभी केली आणि कॅब ड्रायव्हरला शिवीगाळ करू लागले. त्यांनी गाडीचे दरवाजे उघडण्याचा प्रयत्न केला आणि खिडकी उघडण्यास भाग पाडण्याचा प्रयत्न केला. मात्र, भीतीमुळे निमिषा आणि ड्रायव्हर यांनी खिडकी उघडली नाही. Nimisha Nair Incident Nimisha Nair निमिषा नायर यांनी सांगितले की, यापूर्वीही याच वर्षी कोलाबा परिसरात त्यांच्यासोबत अशाच प्रकारची घटना घडली होती. त्या वेळी त्यांनी पोलिसांत तक्रारही दाखल केली होती. या नव्या घटनेनंतरही त्यांनी तक्रार करण्याचा प्रयत्न केला, मात्र व्यस्त वेळापत्रक आणि ऑनलाइन तक्रार प्रक्रियेत काही तांत्रिक अडचणी आल्या..Nimisha Nair Incident या घटनेनंतर निमिषा यांनी इंस्टाग्रामवर अपडेट देत सांगितले की, त्यांना मुंबई पोलीस यांच्याकडून संपर्क साधण्यात आला. कंट्रोल रूम आणि संबंधित अधिकाऱ्यांनी त्यांच्याकडून संपूर्ण माहिती घेतली. त्यांनी घटनेचे सर्व पुरावे पोलिसांना दिले असून तपास सुरू असल्याचे सांगितले आहे.Nimisha Nair Incident पोलिसांनी कॅब ड्रायव्हरने स्वतः तक्रार नोंदवावी, अशी मागणी केली आहे. मात्र, निमिषा यांनी पोलिसांना विनंती केली की, त्यांच्या कडे असलेल्या पुराव्यांच्या आधारे संबंधित युवकांवर कारवाई करावी. पोलिसांनी कारवाई करण्याचे आश्वासन दिले असले तरी अद्याप ठोस कारवाई झाल्याची माहिती समोर आलेली नाही. Nimisha Nair Incident या घटनेमुळे मुंबईतील महिलांच्या सुरक्षेबाबत चिंता व्यक्त केली जात आहे. रस्त्यावर घडणाऱ्या अशा प्रकारच्या घटनांवर कठोर कारवाई होणे आवश्यक असल्याची मागणी होत आहे.
