नवी दिल्ली :– शनिवारी जागतिक महिला बॉक्सिंगमध्ये नीतू घनघास व स्वीटी बुरा यांनी दमदार सुुवर्ण कामगिरी केल्यानंतर रविवारी ऑलिंम्पियन बॉक्सर लवलिना बार्गोहेन व निखत जरीन यांनी विश्वविजेतेपदावर कब्जा करत भारताचा “सुवर्ण चौकार’ पूर्ण केला.
भारताची स्टार महिला बॉक्सर असणाऱ्या निखतने सलग दुसऱ्या वर्षी जागतिक बॉक्सिंग स्पर्धेत सुवर्णपदक जिंकले.
निखतने 50 किलो वजनी गटात व्हिएतनामच्या गुयेन थी तामचा 5-0 असा पराभव करत रविवारी दिल्लीच्या इंदिरा गांधी इनडोअर स्टेडियमवर तिरंगा फडकविला. गेल्या वर्षी मे महिन्यातही निखतने या स्पर्धेत सुवर्णपदक पटकावले होते. यासह ती मेरी कोम पाठोपाठ दुसऱ्यांदा विश्वविजेती होणारी दुसरीच भारतीय बॉक्सर ठरली.
Nikhat Conquers the Podium 💪😍
A proud moment for 🇮🇳 as @nikhat_zareen wins the 🥇medal in 5️⃣0️⃣kg category at the #WWCHDelhi 💥🙌@AjaySingh_SG l @debojo_m#itshertime #WorldChampionships #WWCHDelhi @Media_SAI @anandmahindr @Mahindra_Auto @MahindraRise @NehaAnandBrahma pic.twitter.com/oszNKCHxLf
— Boxing Federation (@BFI_official) March 26, 2023
तर निखत पाठोपाठ टोकियो ऑलिंम्पिकमध्ये पदक जिंकूण देशाचे नाव कमविणाऱ्या लवलिनानेही 75 किलो वजनी गटात ऑस्ट्रेलियाच्या कॅटलिन ऍन पार्करचा 5-2 असा पराभव करत भारताला स्पर्धेतील चौथे सुवर्णपदक मिळवून दिले. ऑलिम्पिक पाठोपाठ जागतिक बॉक्सिंगमध्येही लवलिनाची कामगिरी उल्लेखनिय राहिलेली आहे.
Lovlina wins 🥇😍
4️⃣th Gold medal for 🇮🇳 💥💪
@AjaySingh_SG l @debojo_m#itshertime #WorldChampionships #WWCHDelhi @Media_SAI @anandmahindra @IBA_Boxing @Mahindra_Auto @LovlinaBorgohai @Anurag_Office @MahindraRise @NehaAnandBrahma pic.twitter.com/sMmdw2h8re— Boxing Federation (@BFI_official) March 26, 2023
निखत व लवलिनाकडून आधीपासूनच सुवर्णपदकाची अपेक्षा होती. अपेक्षेप्रमाणे अंतिम सामन्यात निखतने सुरुवातीपासूनच चमकदार कामगिरी केली. पहिल्या फेरीत तिने आघाडी घेतली. यानंतर दुसऱ्या फेरीतही तिने आपली आघाडी कायम ठेवली आणि तिसऱ्या फेरीत गुयेनला जोरदार ठोसा लगावला.
यानंतर रेफरीने व्हिएतनामी बॉक्सरची प्रकृती जाणून घेण्यासाठी सामना थांबवला. येथून निखतचा विजय निश्चित झाला. या सामन्यादरम्यान निखतला दुखापतही झाली होती. तिच्या वरच्या ओठातून थोडासा रक्तस्त्राव झाला, पण तिने घाबरून न जाता संयमाने खेळ करत सुवर्णपदक जिंकले.